નવી દિલ્હીઃ બોલિવૂડના અભિનેતા અને દિગ્દર્શક સતીશ કૌશિકના નિધનને લઈને હવે વધુ એક નવો સ્ક્રૂ અટક્યો હોય તેમ લાગી રહ્યું છે. એક મહિલાએ દિલ્હી પોલીસને ફરિયાદ કરીને દાવો કર્યો છે કે, તેના પતિએ 15 કરોડ રૂપિયાના વિવાદને લઈને સતીશ કૌશિકની હત્યા કરી છે. મહિલાએ દાવો કર્યો છે કે, તે ફાર્મ હાઉસના માલિક વિકાસ માલુની પત્ની છે જ્યાં પાર્ટી યોજાઈ હતી.
આ પણ વાંચો: Satish Kaushik Death Case: સતીશ કૌશિકના મૃત્યુ અંગે દિલ્હી પોલીસે આપ્યો મહત્વપૂર્ણ ખુલાસો
ઘણા સમયથી ચાલતો વિવાદ: વિકાસ માલુનો સતીશ કૌશિક સાથે 15 કરોડને લઈને ઘણા સમયથી વિવાદ ચાલી રહ્યો હતો. મહિલાએ આપેલી ફરિયાદમાં એવું કહેવામાં આવ્યું છે કે, સતીશ કૌશિક તેના પર 15 કરોડ પરત કરવા માટે દબાણ કરી રહ્યો હતો, પરંતુ મારા પતિ પાસે તે પરત કરવા માટે પૈસા નહોતા. આ બાબતે બંને વચ્ચે ઝઘડો પણ થયો હતો. જો કે બીજી તરફ શનિવારે રાત્રે દિલ્હી પોલીસે સતીશ કૌશિકના મૃત્યુને લઈને આવી કોઈ શક્યતા વ્યક્ત કરી નથી, જેના કારણે તેનું મૃત્યુ અકુદરતી રીતે થયું હતું.
આ પણ વાંચો: Oscars Awards 2023: નાટુ નાટુને બેસ્ટ ઓરિજિનલ સોંગ કેટેગરીમાં નોમિનેટ, કુલ 6 ભારતીયોને ઓસ્કાર એવોર્ડ
ડ્રોઈંગ રૂમમાં બંનેની વાત સાંભળી: બીજી તરફ મહિલાનો દાવો છે કે, સતીશ કૌશિક ગયા વર્ષે પૈસા માટે દુબઈ ગયો હતો. વિકાસ માલુ અને તેની પત્ની તે સમયે દુબઈમાં હતા. તેની પત્નીનો દાવો છે કે, તે દરમિયાન જ્યારે બંને વચ્ચે ઝઘડો થઈ રહ્યો હતો, ત્યારે તેણે ડ્રોઈંગ રૂમમાં બંનેની વાત સાંભળી હતી. આ બાબતમાં કેટલી સત્યતા છે તે કહેવું મુશ્કેલ છે. પોલીસ મહિલાની પૂછપરછ કરી શકે છે. દક્ષિણ પશ્ચિમ જિલ્લાના એડિશનલ ડીજીપી રાજીવ કુમારે શનિવારે રાત્રે સ્પષ્ટ કર્યું હતું કે, પોસ્ટ મોર્ટમ રિપોર્ટમાં કોઈ પણ પ્રકારનો વાંઘો નથી. તેમજ પરિવાર દ્વારા કોઈ શંકા વ્યક્ત કરવામાં આવી નથી. પોલીસ સતીશ કૌશિકના પરિવારના સંપર્કમાં છે.
