નવી દિલ્હીઃ ભારતના ધમાકેદાર બેટ્સમેન શુભમન ગિલ અને બોલિવૂડ એક્ટ્રેસ સારા અલી ખાન વચ્ચેના અફેરના સમાચાર અવારનવાર ચર્ચામાં રહે છે. બંને ઘણી વખત સાથે પણ જોવા મળ્યા છે. જોકે, સારાએ મીડિયા સામે આવીને ઘણી વખત કહ્યું છે કે, તેની અને શુભમન વચ્ચે કંઈ ચાલી રહ્યું નથી. પરંતુ આમ છતાં સારા અને શુભમનના અફેરની ચર્ચાઓ અવારનવાર થતી રહે છે. ફરી એકવાર ચર્ચાનું બજાર ગરમાયું છે. કારણ કે, સારા અને શુભમન ફરી એકવાર સાથે જોવા મળ્યા છે.
અફેરના સમાચાર: સારા અને શુભમન ગિલનો એક ફોટો સોશિયલ મીડિયા પર જોરદાર વાયરલ થઈ રહ્યો છે. ફોટામાં શુભમન અને સારા એક એરપોર્ટ પર સાથે બેઠેલા જોવા મળે છે. ફોટામાં સારા અને શુભમન એકસાથે બેઠેલા જોઈ શકાય છે. બંને એકબીજા સાથે વાત કરી રહ્યા છે. સારા અલી ખાન અને શુભમનના આ ફોટોએ ફરી એકવાર તેમના અફેરના સમાચાર પર મોહર લગાવવાનું કામ કર્યું છે. જો કે, સારા અને શુબમનનો આ ફોટો નવો છે કે જુનો, તેના વિશે કોઈ માહિતી સામે આવી નથી. ફોટો કયા એરપોર્ટનો છે તે પણ જાણી શકાયું નથી. પરંતુ આ ફોટો ફરી એકવાર બંનેને હેડલાઈન્સમાં લઈ આવ્યા છે.
આ પણ વાંચો: The Kapil Sharma Show: 'ધ કપિલ શર્મા શો'ને મોટો ફટકો, કૃષ્ણા અભિષેક બાદ આ કોમેડિયને છોડ્યો શો
સારા અને શુભમન ડિનર પર: ઉલ્લેખનીય છે કે, સારા અને શુભમન ગિલ પહેલીવાર મુંબઈની એક રેસ્ટોરન્ટમાં ડિનર પર જતા જોવા મળ્યા હતા. આ પછી, જ્યારે તાજેતરની ODI મેચ દરમિયાન શુભમન ગિલે બેવડી સદી ફટકારી, ત્યારે સ્ટેડિયમમાં 'સારા-સારા' ના નારા ગુંજી ઉઠ્યા હતા. પ્રેક્ષકોએ નારા લગાવ્યા – 'હમારી ભાભી કૈસે હો, સારા ભાભી જૈસે હો'. જ્યારે વિરાટ કોહલીએ આ સ્લોગન સાંભળ્યું ત્યારે તેણે દર્શકોને જોરથી બોલવાનો ઈશારો કર્યો. વિરાટનો આ વીડિયો વાયરલ થયો હતો. તે જ સમયે, શુભમન ગિલ પંજાબી અભિનેત્રી સોનમ બાજવાના શોમાં પહોંચ્યો હતો. તે દરમિયાન તેણે સારા અલી ખાનના વખાણ કરતા ફ્લાયઓવર બાંધ્યા હતા.
