હૈદરાબાદ: તારીખ 27 માર્ચ 2023ના રોજ 38મા જન્મદિવસે ઓસ્કાર વિજેતા ફિલ્મ 'RRR' સ્ટાર રામ ચરણે ફિલ્મ RC 15નું શીર્ષક 'ગેમ ચેન્જર' જાહેર કરીને ચાહકોને મોટી ભેટ આપી છે. આ સમાચારથી અત્યાર સુધી રામ ચરણના ચાહકોમાં ખુશીનો માહોલ છે અને હવે ચાહકો આ ફિલ્મના અભિનેતાના ફર્સ્ટ લુકની રાહ જોઈ રહ્યા છે. પરંતુ રામ ચરણે તેના ચાહકોને વધુ રાહ જોવી નથી અને ચાહકોની રાહનો અંત લાવીને આ ફિલ્મનો તેનો પહેલો લુક ચાહકો માટે શેર કર્યો છે.
- " class="align-text-top noRightClick twitterSection" data="
">
આ પણ વાંચો: Naresh Kanodiyana: નરેશ કનોડિયાના આ કોપી હિરોએ સોશિયલ મીડિયા પર ધુમ મચાવી, ચાહકો થઈ રહ્યા છે આકર્ષિત
રામ ચરણનો ફર્સ્ટ લુક: ફિલ્મ 'ગેમ ચેન્જર'ના ફર્સ્ટ લૂકમાં રામ ચરણ ખૂબ જ મજબૂત લુકમાં જોવા મળી રહ્યા છે. તે બાઇક પર છે અને તેની આંખમાં ચશ્મા છે. હવે ચાહકોને અભિનેતાનો પહેલો દેખાવ મજબૂત લાગી રહ્યો છે અને તેઓ કોમેન્ટ કરી રહ્યા છે. સોશ્યિલ મીડિયા પર ફિલ્મ 'ગેમ ચેન્જર'નો પોતાનો ફર્સ્ટ લૂક શેર કરતા રામ ચરણે લખ્યું, 'મને આનાથી સારી બર્થડે ગિફ્ટ મળી શકી ન હોત, ગેમ ચેન્જર, આભાર ષણમુગમ શંકર સર'.
આલિયાએ પાઠવી શુભેચ્છા: આલિયા ભટ્ટે પણ રામ ચરણના જન્મદિવસને આગ ગણાવીને શુભેચ્છા પાઠવી છે. આલિયા ભટ્ટ રામ ચરણની સામે ફિલ્મ 'RRR'માં સીતાના રોલમાં જોવા મળી હતી. ફર્સ્ટ લુક જોયા બાદ રામ ચરણના ચાહકોનું એક્સાઈટમેન્ટ લેવલ ઉંચુ થઈ ગયું છે અને તેઓ બ્લાસ્ટ અને ફાયર જેવા ઈમોજીસ શેર કરીને અભિનેતાના ફર્સ્ટ લુકને શુભેચ્છા આપી રહ્યા છે.
આ પણ વાંચો: Shubh Yatra Film: 'શુભ યાત્રા' ફિલ્મનું મોશન પોસ્ટર કર્યું જાહેર, આ દિવસે આવશે થિએટર્સમાં
રામ ચરણની ફિલ્મ ગેમ ચેન્જર: ગેમ ચેન્જર ફિલ્મનું દિગ્દર્શન દક્ષિણ ફિલ્મ ઉદ્યોગના દિગ્ગજ દિગ્દર્શક એસ. શંકરે દિગ્દર્શન કર્યું છે. આ ફિલ્મનું શૂટિંગ થોડા સમય પહેલા પૂર્ણ થયું છે. આ ફિલ્મમાં રામ ચરણની સામે બોલિવૂડ અભિનેત્રી કિયારા અડવાણી જોવા મળશે. આ ફિલ્મની રિલીઝ વિશે કહેવામાં આવી રહ્યું છે કે તે સંક્રાંતિ વર્ષ 2024ના અવસર પર રિલીઝ થશે.
