મુંબઈઃ સલમાન ખાન પર મુંબઈમાં એક પત્રકારને ધમકી આપવાનો આરોપ લાગ્યો હતો. આ અંગે કેસ પણ નોંધવામાં આવ્યો હતો. પરંતુ બોમ્બે હાઈકોર્ટે આ કેસને ફગાવી દીધો હતો. પ્રતિષ્ઠિત વ્યક્તિઓને હેરાન કરવા માટે કોર્ટનો ઉપયોગ કરી શકાતો નથી. હાઈકોર્ટે કહ્યું છે કે, કોર્ટનો ઉપયોગ ક્યારેય કોઈને ટોર્ચર કરવા માટે થઈ શકે નહીં. પત્રકારને ધમકી આપવાની ઘટના વર્ષ 2020માં બની હતી. આ કેસમાં હાઈકોર્ટે સલમાન ખાનને રાહત મળી છે. હાઈકોર્ટે સલમાન ખાન વિરુદ્ધ દાખલ કરવામાં આવેલી FIR તેમજ જારી કરાયેલા સમન્સને પણ રદ કરી દીધો છે.
આ પણ વાંચો: Salman Khan Death Threat: રાજસ્થાનમાંથી સલમાન ખાનને ખતમ કરવાની ધમકી આપતો આવ્યો ફોન
સલમાન ખાન વિરુદ્ધ FIR રદ: મહારાષ્ટ્રમાં અંધેરી વિસ્તાર ક્ષેત્રમાં અભિનેતા સલમાન ખાન સાઈકલ પર સવારી કરી રહ્યાં હતાં. આ દરમિયાન એક પત્રકારે સલમાનનો વીડિયો ઉતારવાનો પ્રયત્ન કર્યો હતો. તે સમયે સલમાન ખાને તેનો મોબાઈલ ફોન લઈ લીધો હતો. પત્રકારે અંધેરીના પોલીસ સ્ટેશનમાં તેને ધમકી આપવાનો આરોપ લગાવ્યો હતો. તે સંદર્ભે FIR પણ નોંધવામાં આવી હતી. આ અંગે મેટ્રોપોલિટન જ્યુડિશિયલ મેજિસ્ટ્રેટથી કેસ હાઈકોર્ટમાં પહોંચ્યો હતો. આ કેસ હાઈકોર્ટમાં દાખલ થયા બાદ હાઈકોર્ટે ઘટનાના તથ્યોને સમજ્યા બાદ, સલમાન ખાન વિરુદ્ધ દાખલ કરવામાં આવેલી FIRને રદ કરી દીધી હતી. જસ્ટિસ ભરતિયા ડાંગરે પણ કેસ રદ્દ કરતા મહત્વપૂર્ણ નિવેદન આપ્યું છે.
આ પણ વાંચો: વાણી કપૂરે ઉત્તર પ્રદેશના સારનાથ મંદિરની મુલાકાત લીધી તસવીરો જુઓ
ફરિયાદી દ્વારા બિનજરૂરી જુલમ: તેમના ન્યાયિક આદેશમાં જસ્ટિસ ભરતિયા ડાંગરે જણાવ્યું હતું કે, ''કોર્ટની પ્રક્રિયા કોઈને પણ હેરાન કરવાનું સાધન બની શકે નહીં. આ પ્રક્રિયા દ્વારા કોઈને પણ અત્યાચાર કરવા માટે સત્તા આપી શકાય નહીં. જો આરોપી સેલિબ્રિટી છે અને તેઓ કાયદાની પ્રક્રિયાને અનુસરતા નથી. તેથી તેના પર વિચાર કરી શકાય છે. જો કે, ન્યાયિક તંત્ર ફરિયાદી પાસેથી બિનજરૂરી જુલમ સહન કરશે નહીં. કોઈ પણ વ્યક્તિ બદલાના ઈરાદા સાથે કોર્ટમાં કોઈપણ કેસ દાખલ કરીને હેરાન કરવાના હેતુ માટે કોર્ટનો ઉપયોગ કરી શકશે નહીં.
