જોધપુર: બોલિવૂડ ફિલ્મ 'કુત્તે' (Kuttey Film Controversy) પર મુસીબતોના વાદળો છવાઈ રહ્યા છે. આ ફિલ્મને લઈને દાખલ કરવામાં આવેલી અરજી પર આજે રાજસ્થાન હાઈકોર્ટમાં સુનાવણી થશે. જસ્ટિસ અરુણ ભણસાલીની કોર્ટમાં 186 નંબરની અરજી લિસ્ટેડ છે. દિગ્દર્શક વિશાલ ભારદ્વાજના પુત્ર આસમાન ભારદ્વાજ દ્વારા નિર્દેશિત ફિલ્મ 'કુત્તે' (Bollywood film Kuttey) તારીખ 13 જાન્યુઆરીએ સિનેમાઘરોમાં રિલીઝ થશે. આ ફિલ્મ મલ્ટી સ્ટારર છે. આ ફિલ્મમાં અર્જુન કપૂર, તબ્બુ અને નસીરુદ્દીન શાહ જેવા કલાકારો જોવા મળશે.
- " class="align-text-top noRightClick twitterSection" data="">
આ પણ વાંચો: 'ગદર'ની સિક્વલ ફિલ્મ રીલિઝ નહીં થાય, પ્રોડ્યુસરે પહેલા ભાગને લઈ કર્યો નિર્ણય
ASPની પુત્રીએ અરજી દાખલ કરીઃ રાજસ્થાન પોલીસમાં એએસપી (ASP) તરીકે કાર્યરત નરેન્દ્ર ચૌધરીની 17 વર્ષની પુત્રીએ આ અરજી દાખલ કરીને કહ્યું છે કે, ''ફિલ્મના ટ્રેલરમાં પોલીસને લગતા દ્રશ્યો બતાવવામાં આવ્યા છે. આ સ્ટોરી ગઢચિરોલીની ઘટનાથી પ્રેરિત છે. આખી ફિલ્મની સ્ટોરી પોલીસની આસપાસ ફરે છે. આવી સ્થિતિમાં ફિલ્મ 'કુત્તે'નું શીર્ષક પોલીસ સમુદાયને અસર કરે છે. પોસ્ટર પર પણ ફિલ્મ કલાકારોના ચહેરાને બદલે કુતરાના ચહેરા છે, જે તમામ ફિલ્મમાં પોલીસની ભૂમિકામાં છે.''
કુત્તે ફિલ્મ વિવાદઃ અરજદારના એડવોકેટ દિપેશ બેનીવાલના જણાવ્યા અનુસાર, ''અમે ફિલ્મના વિરોધમાં નથી. આ ફિલ્મ અભિવ્યક્તિની સ્વતંત્રતાનો ભાગ છે. પરંતુ તેનું શીર્ષક પોલીસ સમુદાયને અસર કરે છે. જે બંધારણની કલમ 21 હેઠળ ગરિમા સાથે જીવવાના અધિકારનું ઉલ્લંઘન કરે છે, જે કરી શકાય નહીં. અરજદાર યુવતીના પરિવારજનો પોલીસમાં ફરજ બજાવે છે. પિતા જાલોરમાં અધિક પોલીસ અધિક્ષક છે. દાદા નિવૃત્ત નાયબ પોલીસ અધિક્ષક રહી ચૂક્યા છે. કાકા સબ ઇન્સ્પેક્ટર છે. એએસપી (ASP) તરીકે કાર્યરત નરેન્દ્ર ચૌધરીની પુત્રીએ પોલીસ ફિલ્મમાં 'ડોગ' ટાઈટલ સામે વાંધો ઉઠાવ્યો છે અને સોમવારે અરજી દાખલ કરવામાં આવી છે. આ અરજી પર ગુરુવારે એટલે કે આજે સુનાવણી થશે.
આ પણ વાંચો: ARUN GOVIL BIRTHDAY: જાણો રામાયણના રામ આ દિવસોમાં ક્યાં અને શું કરી રહ્યા છે
ફિલ્મ રિલીઝ ડેટ: બોલિવૂડ એક્ટર અર્જુન કપૂરની ફિલ્મ 'કુત્તે' તારીખ 13 જાન્યુઆરીએ સિનેમાઘરોમાં રિલીઝ થશે. ફિલ્મ 'કુત્તે'ને સેન્ટ્રલ બોર્ડ ઓફ ફિલ્મ સર્ટિફિકેશન (CBFC) દ્વારા A પ્રમાણપત્ર આપવામાં આવ્યું છે. આ ફિલ્મનું નિર્માણ લવ ફિલ્મ્સ અને વિશાલ ભારદ્વાજ ફિલ્મ્સના બેનર હેઠળ કરવામાં આવ્યું છે.
