મુંબઈ: તૈમુર અલી ખાન અને જહાંગીર અલી ખાનની માતા કરીના કપૂર ખાન તાજેતરમાં તેના પતિ સૈફ અલી ખાન સાથે વેકેશન પર ગઈ હતી. ત્યાંથી, કપલની કેટલીક તસવીરો સામે આવી હતી, જેણે સોશિયલ મીડિયા પર હંગામો મચાવ્યો હતો કે કરીના ફરીથી ગર્ભવતી છે. આ પછી આ સમાચાર સોશિયલ મીડિયા પર આગની જેમ ફેલાઈ (Kareena pregnancy rumours) ગયા હતા. આ વાત એટલી ઝડપ પકડી લેશે તેની કોઈએ કલ્પના પણ નહીં કરી હોય કારણ કે, હવે કરીનાએ પોતે આ સમાચાર પર પ્રતિક્રિયા આપી છે.
આ પણ વાંચો: ઇલિયાના ડીક્રુઝે બિકીનીમાં દેખાડ્યો સિઝલિંગ લુક, ફેન્સે કહ્યું હોટ
ગર્ભાવસ્થા પર કરીનાનું નિવેદન: કરીના કપૂરે ફની રીતે પ્રેગ્નેન્સીની અટકળોને (Kareena pregnancy rumours) નકારીને ચાહકોને શાંત થવા કહ્યું છે. કરીનાએ તેના ઈન્સ્ટાગ્રામ પર સ્પષ્ટતા કરી છે કે, તે ગર્ભવતી નથી. કરીનાએ લખ્યું છે, આ પાસ્તા અને વાઇન છે મિત્રો...શાંત થાઓ...હું ગર્ભવતી નથી..ઉફ...સૈફ કહે છે કે તેણે આપણા દેશની વસ્તીમાં પહેલેથી જ ઘણું યોગદાન આપ્યું છે...આનંદ કરો...KKK," તેણીએ કટાક્ષ કર્યો. સૈફ અને કરીનાએ ઑક્ટોબર 16, 2012ના રોજ લગ્ન કર્યા હતા. આ દંપતીએ સાદા કોર્ટ મેરેજ કર્યા હતા અને બાદમાં તેમના નજીકના પરિવારના સભ્યો હાજર હતા. તેઓએ 2016 માં તેમના પ્રથમ પુત્ર, તૈમુર અલી ખાનનું સ્વાગત કર્યું અને તેમના બીજા પુત્ર, જહાંગીર અલી ખાનનો જન્મ ફેબ્રુઆરી 2021 માં થયો હતો.
આ પણ વાંચો: જૂઓ 'કેસ તો બનતા હૈ' ટ્રેલર રિલીઝ, હસી હસીને પેટ દુ:ખી જશે!
કરીના કપૂરની આગામી ફિલ્મ: કરીના કપૂરે કહ્યું કે, હું ગર્ભવતી નથી. આ સાંભળ્યા પછી હવે ચાહકોના મોં શાંત છે, પરંતુ કરીનાના ઘણા ચાહકો છે, જે અભિનેત્રીના આ શાનદાર જવાબથી ખુશ છે. તમને જણાવી દઈએ કે, ભૂતકાળમાં નાના નવાબનો આખો પરિવાર લંડનમાં ઉનાળુ વેકેશન માણી રહ્યો હતો. સારા તેના કામ માટે ત્યાં ગઈ હતી, જે હવે પરત આવી ગઈ છે. કરીના કપૂરના વર્કફ્રન્ટની (Kareena Kapoor upcoming film) વાત કરીએ તો, અભિનેત્રી હવે તેના કો-એક્ટર આમિર ખાન સાથે જોવા મળવાની છે. આમિર અને કરીનાની ફિલ્મ લાલ સિંહ ચઢ્ઢા આવતા મહિને એટલે કે, ઓગસ્ટમાં રિલીઝ થવા જઈ રહી છે. આ જોડી અગાઉ બ્લોકબસ્ટર ફિલ્મ 3 ઈડિયટ્સમાં જોવા મળી હતી.
