હૈદરાબાદઃ રણવીર સિંહ, પૂજા હેગડે અને જેકલીન ફર્નાન્ડીઝ સ્ટારર ફિલ્મ 'સર્કસ'નું પહેલું ગીત કરંટ લગા રે ગુરુવારે (તારીખ 8 ડિસેમ્બર) રિલીઝ કરવામાં આવ્યું (Current Laga Re Song release) છે. કરંટ લગા રે ગીતમાં દીપિકા પાદુકોણનો પતિ રણવીર સિંહ જોરદાર દેખાવ કરી (Ranveer Singh Current Laga Re Song) રહ્યો છે. બોલિવૂડ એક્શન ડિરેક્ટર રોહિત શેટ્ટીએ ફિલ્મ 'સર્કસ'નું નિર્દેશન કર્યું છે. આ પહેલા તારીખ 2 ડિસેમ્બરે ફિલ્મ 'સર્કસ'નું અદભૂત અને ફની ટ્રેલર રિલીઝ થયું હતું. રણવીર સિંહ, પૂજા હેગડે અને જેકલીન ફર્નાન્ડિસ સહિતના સ્ટાર્સથી સજેલી આ કોમેડી ડ્રામા ફિલ્મ તારીખ 23 ડિસેમ્બરે રિલીઝ થવા જઈ રહી છે.
- " class="align-text-top noRightClick twitterSection" data="">
રણવીર અને દીપિકાનો ડાન્સ હશે 'કરન્ટ': બોલિવૂડના 2 પ્રતિભાશાળી સ્ટાર્સ રણવીર સિંહ અને દીપિકા પાદુકોણ ફિલ્મ ક્ષેત્રની દરેક બાબતમાં નિષ્ણાત છે. અભિનય હોય કે નૃત્ય, બંને ઉત્તમ છે. હવે ફિલ્મ 'સર્કસ'ના નવા અને પહેલા ગીત 'કરંટ લગા રે'માં બોલિવૂડની આ સુપરહિટ જોડીએ પોતાના ડાન્સથી ચાહકોને મંત્રમુગ્ધ કરી દીધા છે. આ ગીતમાં દીપિકા અને રણવીરના લટકે ઝટકા જોઈને કોઈપણનું મન ડાન્સ કરવા માટે ઉભરાઈ જશે.
કોણે લખ્યું આ ગીત: 'કરંટ લગા રે' ગીત બનાવવા માટે ઘણા લોકોએ મહેનત કરી છે. આ તમામ ગીતોમાંથી મોટા ભાગનું લિજો જ્યોર્જ અને ડીજે ચેતસે કમ્પોઝ કર્યું છે. આ ગીતમાં નકાશ અઝીઝ, ધ્વની ભાનુશાલી, જોનિતા ગાંધી અને લિજો જ્યોર્જે પોતાનો અવાજ આપ્યો છે. ગીતના શબ્દો પ્રખ્યાત ગીતકાર કુમાર દ્વારા લખવામાં આવ્યા છે. ગીતમાં તમિલ રેપ વિવેક હરિહરન દ્વારા ગાયું છે, જેના ગીત તમિલ ગીતકાર હરિ દ્વારા લખવામાં આવ્યા છે.
કેવું લાગ્યું ટ્રેલર: ફિલ્મ 'સર્કસ'નું 3.38 મિનિટનું ટ્રેલર કન્ફ્યુઝનથી ભરેલું છે. આખા ટ્રેલરમાં રણવીર સિંહનો ડબલ રોલ તમામ પાત્રોને પરેશાન કરતો જોવા મળી રહ્યો છે. ટ્રેલરને ઘણું સજાવવામાં આવ્યું છે, જેમાં 60ના દાયકાનો નજારો પણ જોવા મળી રહ્યો છે. ટ્રેલરમાં કલાકારોની એટલી ભીડ જોવા મળી રહી છે કે, આને જોયા બાદ મોઢામાંથી એક જ શબ્દ નીકળે છે, આ ફેમિલી છે કે સર્કસ. આખા ટ્રેલરમાં બેકગ્રાઉન્ડમાં 'કરન્ટ લગા' ગીત વાગી રહ્યું છે.
કેવું હતું ટીઝર: ફિલ્મના દિગ્દર્શક રોહિત શેટ્ટીએ ફિલ્મનું ટીઝર રિલીઝ કર્યું હતું. જેમાં ફિલ્મના તમામ પાત્રો ફિલ્મની સ્ટોરી વિશે જણાવતા હતા. આ પાત્રો અનુસાર ફિલ્મની સ્ટોરી સોશિયલ મીડિયા યુગ પહેલાની છે. જ્યાં મોબાઈલ અને સોશિયલ મીડિયા જેવી કોઈ વસ્તુ ન હતી.
ફિલ્મની મુખ્ય સ્ટાર કાસ્ટ: ફિલ્મની સ્ટોરી અનુસાર ફિલ્મમાં રણવીર સિંહનો ડબલ રોલ છે. રણવીરની સામે અભિનેત્રી પૂજા હેગડે અને જેકલીન ફર્નાન્ડિસ મહત્વની ભૂમિકામાં છે. આ પહેલા રોહિત શેટ્ટીએ ફિલ્મનું મોશન પોસ્ટર શેર કરીને સર્કસના સમગ્ર પરિવારનો પરિચય કરાવ્યો હતો.
રણવીર સિંહનો વર્કફ્રન્ટ: આ પહેલા રણવીર સિંહ ફિલ્મ 'જયેશભાઈ જોરદાર'માં જોવા મળ્યો હતો. આ ફિલ્મ બોક્સ ઓફિસ પર ફ્લોપ સાબિત થઈ હતી. આ ફિલ્મ બાદ હવે રણવીર સિંહને ફિલ્મ સર્કસ પાસેથી ઘણી અપેક્ષાઓ છે. આ પહેલા રણવીર અને રોહિતની જોડી ફિલ્મ સિમ્બામાં જોવા મળી હતી. જે હિટ ફિલ્મ સાબિત થઈ હતી.
