કોટદ્વાર: હિન્દી ફિલ્મ જગતમાં પોતાના શાનદાર અભનિયથી કરોડો દર્શકોને પ્રભાવિત કરવાવાડા અભિનેતા અનુપમ ખેર ઉત્તરાખંડ ગયા છે. તેઓ કુદરતી નજારાનો આનંદ માણવા અનુપમ ખેર મોડી સાંજે પૌડી ગઢવાલના પ્રાકૃતિક સૌંદર્યથી ભરપૂર લેન્સડાઉન ટાઉન પહોંચ્યા હતા. અનુપમ ખેરે ગઢવાલ રાઈફલ ફાયરિંગ રેન્જ, ટીપનટાપ, ભુલતાલના સ્થળોની મુલાકાત લીધી હતી. આ દરમિયાન તેમણે સુંદર અને અદભૂત ખીણની મજા માણી હતી.
ફિલ્મનું શૂટિંગ લેન્સડાઉનમાં: અભિનેતા અનુપમ ખેરે જણાવ્યું હતું કે, હિન્દી ફિલ્માંકન માટે લેન્સડાઉન યોગ્ય સ્થળ છે. તેમણે તેમની ટીમ સાથે આગામી ફિલ્મના શૂટિંગ માટે લેન્સડાઉનથી ઝરીખાલ માર્ગ સુધી પહોંચ્યા હતા. અનુપમ ખેરે કહ્યું કે, આ ફિલ્મનું શૂટિંગ લેન્સડાઉનમાં એક મહિના સુધી ચાલશે. લેન્સડાઉન પ્રકૃતિના ખોળામાં આવેલું છે. અભિનેતાએ અહિં શાંત વાતાવરણનો આનંદ માણ્યો હતો.
કાલેશ્વર મહાદેવ મંદિરની મુલાકાત: અભિનેતા અનુપમ ખેર પહોંચ્યા હતા મહાદેવ કાલેશ્વર. ફેમસ હિન્દી કાશ્મીર ફાઈલ્સ સહિત હજારો ફિલ્મોમાં કામ કરી ચૂકેલા જાણીતા અભિનેતા અનુપમ ખેર લેન્સડાઉન પહોંચ્યા હતા. ત્યાર બાદ સૌપ્રથમ માહાદેવ કાલેશ્વર મંદિર ગયા હતા. અહિં તેમણે ભગવાન ભોલેના દર્શન કર્યા હતા. તેમણે સાંજની આરતીમાં ભાગ લીધો હતો.
હિમાલયની મુલાકાત લીધી: કાલેશ્વર મંદિરના પૂજારી રાજેશ ધ્યાનીએ જણાવ્યું હતું કે, અનુપમ ખેરે શ્રાવણનાં સોમવારે કાલેશ્વર મંદિરની આરતીમાં હાજરી આપી હતી. તેમણે દુર્ગા મંદિર લેન્સડાઉનના પ્રખ્યાત ટીપનટાપ, ગઢવાલ રાઈફલ્સ, લેન્સડાઉનમાં આર્મિ ફાયરિંગ રેન્જથી હિમાલયની મુલાકાત પણ લીધી હતી. ત્યાર બાદ ભુલતાલ ગઢવાલ વિકાસ નિગમ પ્રવાસી આવાસ વગેરે વિવિધ સ્થળોની મુલાકાત પણ લીધી હતી.
