જૂનાગઢના કોંગ્રેસના ઉમેદવાર પુંજા વંશે યોજ્યો રોડ શૉ, વેપારીઓને મળીને કર્યો પ્રચાર

જૂનાગઢ: જિલ્લામાં રાજકીય મૌસમ પુર જોશમાં ચાલી રહી છે. ત્યારે જુનાગઢના માળીયા હાટીના ખાતે જૂનાગઢ બેઠકના કોંગ્રેસના લોકસભા ઉમેદવાર પુંજા વંશ દ્વારા માળીયા હાટીના ખાતે રોડ શૉનું આયોજન કરવામાં આવ્યું હતું.

જૂનાગઢના માળીયા હાટીના ખાતે જૂનાગઢ બેઠકના કોંગ્રેસના લોકસભા ઉમેદવાર પુંજા વંશ દ્વારા રોડ શૉનું આયોજન કરવામાં આવ્યું હતું. આ રોડ શો રેલવે સ્ટેશનથી શરૂ કરવામાં આવ્યો હતો. જેની સાથે સાથે પુંજા વંશે વેપારીઓ સાથે શુભેચ્છા મુલાકાત કરીને પોતાનો પ્રચાર કર્યો હતો. આ રોડ શૉમાં આશરે 200થી 300 લોકો જોડાયા હતા. આગામી ચુંટણીને ઘ્યાનમાં લઇને મતદારો કોંગ્રેસને મતદાન કરશે તેવી આશા સાથે આ રોડ શૉનું આયોજન કરવામાં આવ્યું હતું.

ભાજપમાંથી રાજેશ ચુડાસમા અને કોંગ્રેસમાંથી પુંજા વંશ સામ સામે ઉતર્યા છે. આ બન્ને ઉમેદવારો કોળી જ્ઞાતિના છે. જેથી આ ચુંટણી કોળી વિરૂદ્ધ કોળીની પણ કહી શકાય.