ઈન્દોર(મધ્ય પ્રદેશ): એમઆઈજી પોલીસ સ્ટેશન વિસ્તારમાં એલઆઈજી તિરાહે ખાતે કેટલીક છોકરીઓ દ્વારા એક છોકરી પર હુમલો કરવાનો વીડિયો વાયરલ થયો હતો. (4 women beaten up a women in indore )આ કેસમાં પોલીસે કડક કાર્યવાહી હાથ ધરી છે, પોલીસ સોમવારે આરોપી મહિલાઓને પોલીસ સ્ટેશન લાવી હતી અને ભવિષ્યમાં આવા હુમલા ન કરવા ચેતવણી આપી હતી. ભારતીય દંડ સંહિતાની કલમ 294 (અશ્લીલ કૃત્ય), 323 (સ્વૈચ્છિક રીતે ઇજા પહોંચાડવી), 506 (ધમકાવવી) અને અન્ય સંબંધિત જોગવાઈઓ હેઠળ આરોપીઓ સામે એફઆઈઆર નોંધવામાં આવી છે, જોકે આ કેસમાં કોઈ ધરપકડ કરવામાં આવી નથી,
લાતો અને મુક્કાથી માર માર્યો: એમઆઈજી સ્ટેશનના પ્રભારી અજય વર્માએ જણાવ્યું હતું કે 'કથિત ઘટના 4 નવેમ્બરના રોજ સવારે લગભગ એક વાગ્યે શહેરના એલઆઈજી ચોક પર એક ભોજનશાળાની સામે બની હતી. જંતુનાશક દવાની દુકાનની કર્મચારી પ્રિયા વર્માને ચાર મહિલાઓએ કોઈ વિવાદમાં માર માર્યો હતો. જે વિસ્તારમાં આ ઘટના બની હતી ત્યાં વ્યાપારી સંસ્થાઓ છે જેને સ્થાનિક વહીવટીતંત્ર દ્વારા ચોવીસ કલાક ચલાવવાની પરવાનગી આપવામાં આવી છે. આરોપી મહિલાઓએ પીડિતાને લાતો અને મુક્કાઓ વડે મારી હતી અને તેના પર બેલ્ટ વડે હુમલો કર્યો, તેને રસ્તા પર ઢોર માર માર્યો અને તેનો મોબાઈલ ફોન પણ તોડી નાખ્યો .
આરોપી મહિલાઓને ચેતવણી આપીઃ અધિકારીએ કહ્યું કે 'ત્રણ આરોપીઓને સોમવારે પોલીસ સ્ટેશન લાવવામાં આવ્યા હતા અને તેમને ભવિષ્યમાં આવા હુમલા ન કરવા ચેતવણી આપવામાં આવી હતી. વાયરલ વીડિયોમાં, ચાર મહિલાઓ પીડિતા પર હુમલો કરતી જોઈ શકાય છે, પરંતુ અધિકારીએ કહ્યું કે 'ફરિયાદીએ એફઆઈઆરમાં માત્ર ત્રણ મહિલાઓના નામ આપ્યા છે અને વિગતવાર તપાસ ચાલી રહી છે' .
