જલગાંવઃ રક્ષાબંધનના બીજા દિવસે એક ભાઈએ બહેનની હત્યા કરી નાંખી હોવાની ઘટના સામે આવી છે. એટલું જ નહીં આ રાક્ષસી માનસ ધરાવતા ભાઈએ બહેનના પ્રેમીને પણ ગોળી મારીને પતાવી દીધો હતો. પોલીસે આ કેસમાં બે શંકાસ્પદોની અટકાયત કરીને કાયદેસરના IPC 302 પગલાં લીધા છે. જ્યારે આ કાવતરામાં સાથ આપનારા બે શખ્સોની શોધખોળ ચાલું છે.
આ પણ વાંચોઃ રક્ષાબંધનના જ દિવસે બાળકી પર દુષ્કર્મ બાદ લોહીલુહાણ હાલતમાં ઝાડીઓમાં ફેંકી
કોણ છે આઃ ચોપડા શહેર નજીક જુના વરદ શિવરામાંથી બંનેના મૃતદેહ મળી આવ્યા હતા. મૃતકોની ઓળખ રાકેશ સંજય રાજપૂત (ઉંમર 22 વર્ષ) અને વર્ષા સાધન કોલી (20 વર્ષ) તરીકે થઈ છે. આ એક પ્રકારનું ઓનર કિલિંગ હોવાનું અનુમાન લગાવાઈ રહ્યું છે. રાકેશ સંજય રાજપૂત અને વર્ષા સાધન કોળી બન્નેની શુક્રવારે મોડી રાત્રે હત્યા કરવામાં આવી હતી. જ્યારે યુવક પર ગોળીબાર કરવામાં આવ્યો હતો. યુવતીનું ગળું દબાવીને હત્યા કરવામાં આવી હતી. આ ઘટના બાદ પોલીસ ઘટના સ્થળે દોડી ગઈ હતી.
સગીર સામે પગલાંઃ આ બંને સગીર હોવાનું જાણવા મળ્યું છે. દરમિયાન આ અંગે મોડી રાત સુધી ગુનો નોંધવાની કામગીરી ચાલું રહી હતી. રાકેશ અને વર્ષા એકબીજાને પ્રેમ કરે છે. તેઓ ભાગીને લગ્ન કરવા જતા હતા. વર્ષા ભાઈને આ વિશે માહિતી મળી. આ પછી તેણે બન્નેની હત્યા કરી હોવાની આશંકા છે.
આ પણ વાંચોઃ ત્યજી દેવાયેલા બાળકો માટે આશીર્વાદરૂપ બને છે કચ્છ મહિલા કલ્યાણ કેન્દ્ર
માથે ગોળી મારીઃ વર્ષાના નાના ભાઈએ પહેલા રાકેશના માથામાં ગોળી મારી અને પછી બહેનનું ગળું દબાવ્યું હોવાનું બહાર આવ્યું છે. હાલમાં આ વિસ્તારમાં પોલીસ બંદોબસ્ત છે અને વાતાવરણ સંવેદનશીલ છે. તેના બોયફ્રેન્ડ સાથે મળીને તેની બહેનની હત્યા કર્યા બાદ તેનો ભાઈ પોલીસ સ્ટેશનમાં પોતાની જાતે પિસ્તોલ સાથે હાજર થયો હતો.
