પંજાબ: લુધિયાણાના સાહનેવાલના જિયાસપુરા વિસ્તારમાં કાર્બન ડાયોક્સાઈડ ગેસ લીકનો મામલો સામે (Carbon dioxide gas leak in factory)આવ્યો છે. પ્રાપ્ત માહિતી અનુસાર, ફેક્ટરીમાં ગેસ પાઇપ લીકેજ થઇ (Gas pipe leakage in factory)હતી. જેના કારણે વિસ્તારમાં તણાવનો માહોલ છે. ફેક્ટરીના કામદારો તેના પર કાબૂ મેળવી શક્યા ન હતા, જેના કારણે તમામ કામદારો બહાર દોડી ગયા હતા. પવનની દિશા બાજુની ફેક્ટરી તરફ હતી, જેના કારણે બાજુની ફેક્ટરીમાં કામ કરતા પાંચ કામદારો બેભાન થઈ ગયા હતા. જેમને સિવિલ હોસ્પિટલમાં દાખલ કરવામાં આવ્યા છે અને તેમની હાલત હાલ ખતરાની બહાર હોવાનું કહેવાય છે. અકસ્માત બાદ ફાયર બ્રિગેડ અને એમ્બ્યુલન્સ ઘટનાસ્થળે પહોંચી ગયા હતા અને NDRFની ટીમોને પણ જાણ કરવામાં આવી હતી.
મામલાની સંપૂર્ણ તપાસ: લુધિયાણાના એડીસી પણ પરિસ્થિતિનો તાગ મેળવવા માટે ઘટનાસ્થળે પહોંચ્યા અને કહ્યું કે આ મામલાની સંપૂર્ણ તપાસ કરવામાં આવશે. આ અંગે માહિતી આપતા જણાવ્યું હતું કે કંપનીમાં કાર્બન ડાયોક્સાઈડ ગેસની સેફ્ટી પિન ખરાબ થઈ ગઈ હતી. તેની ચકાસણી કરવામાં આવી રહી છે. તેમણે કહ્યું કે પવનની દિશા બાજુની ફેક્ટરી તરફ હતી, જેના કારણે બાજુની ફેક્ટરીમાં કામ કરતા પાંચ કામદારો બેહોશ થઈ ગયા હતા.
