વડોદરા: She ટીમ દ્વારા મહિલાઓ માટે સેનેટરી પેડનું વેલ્ડીંગ મશીન મુકવામાં આવ્યું

આજના સમય પણ માસિક ધર્મ વિશે કેટલીય ગેર માન્યતાઓ ચાલી રહી છે જેને તોડવા માટે 28 મેના રોજ માસિક સ્ત્રાવ સ્વચ્છતા દિવસ તરીકે ઉજવવામાં આવે છે. વડોદરામાં લહેરીપુરા પોલીસ સ્ટેશન ખાતે She ટીમ દ્વારા સેનેટરી વેલ્ડીગ મશીન મુકવામાં આવ્યું છે જે મહિલાઓને ખુબ જ ઉપયોગી થશે.

• લહેરીપુરા પોલીસ સ્ટેશન પર સેનટેરી પેડનુ વેલ્ડીંગ મશીન મુકવામાં આવ્યું
• કામ કરનારી મહિલાઓને ઉપયોગી
• શહેરમાં અન્ય પોલીસ સ્ટેશન પર પણ મુકવામાં આવશે

વડોદરા: માસિક ધર્મ વિશે દરેક કિશોરી અને યુવતીઓને તે અંગે સાચી જાણકારી હોવી જોઈએ. વિશ્વભરમાં 28 મેનો દિવસ માસિક સ્રાવને લગતી ગેરસમજને તોડવા, માસિક વિશે જાગૃત્તિ લાવવા અને માસિક સ્વચ્છતા સંચાલનના મહત્વને સમજવા માટે માસિક સ્ત્રાવ સ્વચ્છતા દિવસ તરીકે ઉજવવામાં આવે છે.

સેનેટરી વેલ્ડીંગ મશીન

વડોદરા લહેરીપુરા પોલીસ ચોકી ખાતે વડોદરાના વાત્સલ્ય ફાઉન્ડેશન દ્વારા શરૂ કરવામાં આવેલા સખી પ્રોજેક્ટ અંતર્ગત સેનેટરી પેડ વેન્ડિંગ મશીનનું લહેરીપુરા પોલીસ ચોકી ખાતે લોકાર્પણ કરવામાં આવ્યું હતુ. મશીનમાં એક ડમી સિક્કો નાખી, 3 વાર હેન્ડલ ફેરવવાથી સરળતાથી નિઃશુલ્ક સેનેટરી પેડ મેળવી શકાશે.આ કાર્યક્રમમાં શહેરના પોલીસ કમિશનર ડો. શમશેર સિંઘ તેમજ સંસ્થાના સ્વાતિ બેડેકર અને યુવા સમાજિક કાર્યકર અનોખી પ્રબીર પટેલ ઉપસ્થિત રહ્યા હતા.

આ પણ વાંચો : મોબાઈલ એડિક્શનનો શિકાર થઇ ઘરેથી ભાગેલી યુવતીને 'શી ટીમે' પરિવારને સોંપી

કામ કરનાર મહિલાઓને ઉપયોગી

She ટીમ અને વાત્સલ્ય ફાઉન્ડેશન દ્વારા શરુ કરવામાં આવેલો આ પ્રોજેક્ટ મહિલાઓને મદદરૂપ થશે અને ખાસ કરીને કામ કરનારી મહિલાઓ જેમ કે શાકવાળા, ઘરે કામ કરવા વાળા, તેમજ બીજા મહિલા વ્યાપારી વર્ગને આ પ્રોજેક્ટ મદદરૂપ થશે.

સેનેટરી પેડ બાયોડિગ્રેડેબલ

સેનેટરી પેડ બાયોડિગ્રેડેબલ હોવાથી પર્યાવરણને નુકશાનકારક નથી આ વેન્ડિંગ મશીન ગરીબ વર્ગની મહિલાઓ માટે ખૂબ ઉપયોગી બનશે આગામી સમયમાં વ્યાપક રીતે જરૂરિયાતમંદ મહિલાઓને આ આરોગ્ય રક્ષક વ્યવસ્થા નો લાભ આપવા શહેરના વધુ પોલીસ સ્ટેશનમાં આ વેન્ડિંગ મશીન લગાડવામાં આવશે.

આ પણ વાંચો : વડોદરામાં મહિલા બાઈકર્સ ગ્રૂપ દ્વારા બાઈક ચલાવવાના શોખનું સમાજ સેવામાં પરિવર્તન