આ ઘટનામાં 4 લોકો દટાયા હતા. તેઓને બહાર કાઢી સારવાર અર્થે તાત્કાલિક હોસ્પિટલ ખસેડવામાં આવ્યા હતા. જેમાં 2ના સારવાર દરમિયાન મોત થયા હતા, બાકી બે લોકો ઇજાગ્રસ્તો હોવાથી ઈલાજ ચાલી રહ્યો છે. આ દુર્ઘટનાની જાણ થતાં લોકોના ટોળા એકત્રિત થયા હતા.
ઉલ્લેખનીય છે કે, વડોદરા શહેરના છાણી વિસ્તારમાં આવેલ 4 માળના બિલ્ડીંગમાં બેઝમેન્ટની કામગીરી ચાલી રહી હતી, તે સમયે આ દુર્ઘટના ઘટી હતી. આ ઘટનામાં ગંભીર રીતે ઘાયલ કોન્ટ્રાક્ટર કેફૂલ પઠાણને એસ.એસ.જી હોસ્પિટલમાં ખસેડવામાં આવ્યો હતો, જ્યાં ડૉક્ટરે તેને મૃત જાહેર કર્યો હતો. આ ઘટનાની જાણ થતા જ 10 થી વધારે જેસીબી, 4 ક્રેન અને 20 જેટલા ડમ્પરની મદદથી કાટમાળ ખસેડવાની કામગીરી હાથ ધરાઈ હતી.
આ ઘટનાની જાણ થતા જ પોલીસના ઉચ્ચ અધિકારીઓ, વડોદરા મ્યુનિસિપલ કમિશ્નર નલીન ઉપાધ્યાય, સાંસદ રંજનબેન ભટ્ટ, ડે. કમિશ્નર સુધીર પટેલ સહીત કોર્પોરેશનના અધિકારીઓ અને એલ એન્ડ ટી કંપનીના અધિકારીઓ પણ ઘટના સ્થળ પર પહોંચ્યા હતા. આ ઘટનામાં વડોદરા મ્યુનિસિપલ કમિશ્નર રાજય સરકાર સાથે સીધા સંપર્કમાં હોવાનું જણાવ્યું હતું.
