સુરત: ઉધના વિસ્તારમાં આવેલા કાશીનગરમાં(Kashinagar in Udhana Area) કચરો ન લઈ જતા સ્થાનિક લોકોમાં ભારે રોષ જોવા મળી હતા. ભારે ગંદકીથી ત્રાહિમામ પોકારી ચૂકેલા લોકોએ આજે પોતાના વિસ્તારનો કચરો પોતે જ લઈને ઉધના ઝોન ઓફિસમાં પહોંચી ગયા હતા. લોકોએ કચરો ઓફિસમાં જ ઠાલવી દેતા ઝોનના અધિકારીઓ દોડતા થઈ ગયા હતા.
આ પણ વાંચો: Madhavpur Beach Gujarat: સમુદ્રકાંઠા-બીચ અભિયાનના ભાગરૂપે માધવપુર બીચ ખાતે સફાઇ કામગીરી હાથ ધરવામાં આવશે
ગાર્બેજ કલેક્શનની ગાડીઓ અનિયમીત છે - ઉધના કાશીનગર સોસાયટીના(Udhana Kashinagar Society) રહીશો આજે પોતાના વિસ્તારનો કચરો સાથે લઈને સીધા સાઉથ ઝોન કાર્યાલય(South Zone Office) પહોંચી ગયા હતા. એટલું જ નહીં સ્થાનિકો દ્વારા ઝોનની ઓફિસના ગેટ ઉપર જ કચરો ઠાલવી દેવામાં આવ્યો હતો. સ્થાનિકોએ આરોપ લગાવ્યો છે કે, ગાર્બેજ કલેક્શનની ગાડીઓ નિયમિત રીતે ઘણા વિસ્તારોમાં પહોંચી(Irregularity Garbage Collection) રહી નથી. ચોમાસાની રીતોમાં કચરો વધુ પ્રમાણમાં સોસાયટીમાં અને તેની આસપાસ એકત્રિત થવાના કારણે રોગચાળો થવાની પણ દહેશત છે.
આ પણ વાંચો: સાવધાન..! હવે જો રસ્તા પર થુકશો અથવા કચરો ફેકશો તો આવશેકોર્ટનું તેડું, કેટલા ઝપટે ચડ્યા જુઓ..!
સોસાયટીમાં ગંદકીનું સામ્રાજ્ય વધ્યું - અઠવાડિયામાં માત્ર એક કે બે દિવસ જ ગાર્બેજ કલેક્શન માટે ગાડી આવતી હોય છે. ઉધના વિસ્તારમાં આવેલા કાશીનગરના લોકોએ જણાવ્યું હતું કે, છેલ્લા બે મહિનાથી અનિયમિત રીતે ગાર્બેજ કલેક્શનની ગાડીઓ સોસાયટીઓમાં આવે છે. એટલું જ નહીં અઠવાડિયામાં માત્ર એક કે બે દિવસ જ ગાર્બેજ કલેક્શન માટે ગાડી આવતી હોય છે. જેના કારણે સોસાયટીમાં ગંદકીનું સામ્રાજ્ય જોવા મળતું હોય છે. માત્ર કાશીનગર જ નહીં અન્ય સોસાયટીઓમાં પણ આ સમસ્યા ઘણા સમયથી ચાલી રહી છે.
