સુરત શહેરના વોર્ડ નંબર 3ના મહિલા કોર્પોરેટર ઋતુા કાકડિયા (Surat Corporator Ruta Kakdiya) થોડા સમય પહેલા જ આમ આદમી પાર્ટીમાંથી ભાજપમાં જોડાયાં છે. ત્યારે હવે તેઓ ફરી એક વાર ચર્ચામાં આવ્યા છે. કારણ કે, તેમણે પૂર્વ પતિ કેયૂર કાકડીયા સહિત 7 લોકો સામે ઉતરાણ પોલીસ સ્ટેશનમાં ફરિયાદ નોંધાવી છે. તેમણે આક્ષેપ કર્યો હતો કે, તેમના પૂર્વ પતિ સહિત આ તમામ લોકોએ સોશિયલ મીડિયા પર તેમને બદનામ કરતી પોસ્ટ મૂકી હતી.
સોશિયલ મીડિયા પર વાંધાજનક પોસ્ટ કોર્પોરેટર ઋતા કાકડીયાએ (Surat Corporator Ruta Kakdiya) જણાવ્યું હતું કે, છેલ્લા ઘણા સમયથી સોશિયલ મીડિયામાં (Social Media Post) મારા વિરૂદ્ધ પોસ્ટ ચાલી રહી છે. આ મામલે થોડા સમય પહેલા મેં ઉતરાણ પોલીસ સ્ટેશનમાં (utran police station) અરજી આપી હતી. આજે એ જ મામલે મારે પોલીસ સ્ટેશનમાં આવવાનું થયું હતું અને મારા પૂર્વ પતિ અન્ય 6 એવા લોકો સામે ફરિયાદ નોંધાવી હતી.
