સુરતઃ મહાનગર સુરતના કામરેજના આંબોલી (Surat Amboli) ગામે ભારે વરસાદમાં દરમિયાન એક મહિલા 25 ફૂટના એક ખાડામાં પડી (old age woman fallen) ગયા હતા. વૃદ્ધાને ફાયર (Fire Department Surat) વિભાગે હેમખેમ બહાર કાઢતા પરિવારજનોના શ્વાસમાં શ્વાસ આવ્યા હતા.
આ પણ વાંચોઃ જૂઓ કઈ રીતે આખલો બન્યો મૃત્યુનું કારણ...
કોણ છે આ મહિલાઃ આ મહિલાનું નામ કપિલાબેન છે. જેની ઉંમર 70 વર્ષની છે. કપિલાબેન રામાનંદી જ્યારે સવારના સમયે બાથરૂમમાં જઈ રહ્યા હતા. એ સમયે આ ઘટના બની હતી. ભારે વરસાદને (Heavy Rainfall in Surat) કારણે બાથરૂમ પાસે ખાલકુંવા પાસે તેઓ 25 ફૂટના ખાડામાં ખાબક્યા હતા. જેના કારણે પરિવારનો જીવ તાળવે ચોંટ્યો હતો.
આ પણ વાંચોઃ જિલ્લા પંચાયત હસ્તકની આંગણવાડીઓ હવે ગાંધીનગર મહાનગરપાલિકા હસ્તક
ફાયર વિભાગની ટીમે કર્યું રેસ્કયુ ઑપરેશનઃ સુરતના કામરેજમાં ફાયર વિભાગની ટીમે તાત્કાલિક સ્થળ પર પહોંચી રેસક્યુ ઑપરેશન કર્યું હતું. પછી મહિલાને બહાર કાઢવા સાધન સામગ્રી સાથે પ્રયાસ શરૂ કર્યા હતા. આ વૃદ્ધ મહિલાને સેફ્ટી બેલ્ટથી બાંધીને રેસક્યું કરવામાં આવી હતી. સુરત ફાયર વિભાગની ટીમ સમયસર પહોંચી મહિલાને હેમખેમ બહાર કાઢવામાં આવ્યા હતા. ફાયર વિભાગની મહામહેનતથી વૃદ્ધ મહિલાનો જીવ બચ્યો હતો.
