સુરતની OYO હોટલમાં યુવતીની રહસ્યમય સંજોગોમાં મોત

સુરતના પીપલોદ વિસ્તારમાં આવેલી OYO હોટલના રૂમમાંથી રહસ્યમય સંજોગોમાં યુવતી બેભાન અવસ્થામાં મળી આવી હતી. જ્યારે તેણીને સિવિલ હોસ્પિટલમાં લઈ જવામાં આવી ત્યારે ડોકટરોએ તેણે મૃત જાહેર કરી હતી. યુવતીની હાલત અંગે પ્રેમીએ તેના પરિવારને જાણ કરી હતી. પ્રેમીએ યુવતીને 108 દ્વારા હોસ્પિટલ લઈ ગયો હતો, જ્યા તેને મૃત જાહેર કરાવામાં આવી હતી, યુવતી નવા વર્ષના સેલિબ્રેશન માટે પ્રેમી સાથે હોટેલમાં આવી હતી. યુવતી હેલ્થ પ્રોડક્ટના માર્કેટિંગ સાથે સંકળાયેલી હતી. યુવતીના મોત બાદ પોલીસે સમગ્ર ઘટના અંગે તપાસ હાથ ધરી છે.

• સુરતની OYO હોટલના રૂમમાં યુવતીનું રહસ્યમય મોત
• ડોકટરો તપાસ બાદ યુવતીને મૃત જાહેર કરી
• 2021ની ઉજવણી માટે OYO હોટલમાં ગઇ હતી યુવતી

સુરતઃ શહેરના પીપલોદ વિસ્તારમાં આવેલી OYO હોટલમાં યુવતી પોતાના પ્રેમી સાથે નવા વર્ષની ઉજવણી કરવા ગઈ હતી. રાત્રે સૂતા બાદ યુવતી સવારે ઉઠી નહોતી. પ્રેમીએ યુવતીના પરિવારને જાણ કરી હોસ્પિટલ લઈ ગયો હતો. જ્યા ડોકટરોએ તપાસ બાદ યુવતીને મૃત જાહેર કરી હતી. યુવતીના મોતને લઈ પોલીસે તપાસ હાથ ધરી છે, ક્યાં સંજોગોમાં યુવતીનો મોત નિપજ્યું છે તે અંગેના તમામ પાસાઓને ધ્યાનમાં રાખી પોલીસ પૂછપરછ કરી રહી છે. પોસ્ટમોર્ટમ રિપોર્ટ બાદ મોતનું સાચું કારણ જાણી શકાશે. 22 વર્ષીય તન્વી દિલીપભાઈ ભાદાણી કતારગામ ખાતે રહે છે અને હેલ્થ પ્રોડક્ટના માર્કેટિંગના કામ સાથે સંકળાયેલી હતી.

ઊંઘમાંથી નહિ ઉઠતા પંકજ પરિવારને જાણ કરી

નવા વર્ષની ઉજવણી માટે તન્વી તેના પ્રેમી પંકજ સાથે પીપલોદ વિસ્તારમાં આવેલી ઓયો હોટલમાં ગયા હતા. પંકજ ગોહિલ કન્સ્ટ્રક્શન વ્યવસાય સાથે સંકળાયેલો છે. નવા વર્ષની ઉજવણી કર્યા બાદ શનિવારે સવારે ઊંઘમાંથી નહિ ઉઠતા પંકજે યુવતીના પરિવારને જાણ કરી 108માં તેણીને સિવિલ લઈ આવ્યા હતા. તન્વીના પિતા દિલીપ ભાદાણી ડાયમંડ પાર્ટ્સની દુકાન ચલાવે છે. તન્વી પરિવારની એકની એક દીકરી હતી. તન્વીના રહસ્યમય મોતને લઈને પરિવારમાં માતમ છવાઈ ગયો છે.