સુરત: શેરબજારમાં દેવું થતાં ભરપાઈ કરવા પુત્રના ઈલાજના નામે સોશિયલ મીડિયામાં ખોટો પ્રચાર કરી 3.17 લાખનું ફંડ ઉઘરાવવાનું (Fundraising Fraud In Surat) ઉત્તરાખંડના વેપારીને ભારે પડયું છે. આ મામલે સાયબર ક્રાઇમે (Cyber Crime Surat) ઉત્તરાખંડ રહેતા જનરલ સ્ટોરના વેપારીની ધરપકડ કરી છે. ઉલ્લેખનીય છે કે, સુરતના પાલનપુર વિસ્તાર (Surat Palanpur Crime)માં રહેતા વ્યક્તિના પુત્રને જન્મજાત કાનમાં બહેરાશની બીમારી હતી. સારવાર માટે 30 લાખનો ખર્ચ થાય એમ હતો.
તેમના જ દીકરાનો ફોટો મુકી કોઈ બીજું કરી રહ્યું હતું દાન માટે અપીલ-તેમની આર્થિક પરિસ્થિતિ સારી નહોતી. આ દરમિયાન ઓનલાઈન ફંડ (Online Funding Surat) ભેગું કરતી કેટ્ટો કંપની (ketto online donation)માં તેઓએ તમામ ડોક્યુમેન્ટ મોકલી અરજી કરી હતી. પરંતુ કોઈ કારણોસર અરજી નામંજૂર થઇ હતી. આ દરમિયાન તેમની પત્નીએ પોતાના સોશિયલ મીડિયામાં દીકરા માટે મદદની પુકાર લગાવી હતી. બીજી તરફ થોડા સમય બાદ તેઓને જાણ થઇ હતી કે તેમના જ દીકરાનો ફોટો મૂકી દાન (fund rising for child treatment surat) માટે અપીલ કરવામાં આવી રહી હતી.
આ પણ વાંચો: TB Treatment in Mehsana: મહેસાણામાં ટીબીનો રિકવરી રેટ 90 ટકાએ પહોંચ્યો, જુઓ કઈ રીતે
બાળકની માતાનું નામ બદલી નાખવામાં આવ્યું-કેટ્ટો કંપની તેમની અરજી કેન્સલ કરી ચુક્યું હોઇ કઇ રીતે આ અપીલ કરાઈ રહી છે તે ચેક કરતા નવું જ ભોપાળું બહાર આવ્યું હતું. બાળકની માતાનું નામ બદલી નાખવામાં આવ્યું હતું અને સરનામું ઉત્તરાખંડના દીનેશપુર ગામ (uttarakhand dineshpur village)નું જણાવવામાં આવ્યું હતું. જેથી તેઓએ કેટ્ટો કંપનીને જાણ કરી સુરત સાયબર ક્રાઈમમાં ફરિયાદ નોંધાવી હતી.
બાળકના નામે નાણાં ઉઘરાવ્યા-આ ઘટનામાં તપાસ કરી રહેલી સાયબર ક્રાઈમ પોલીસે 23 વર્ષીય સંદીપ શાંતિરજન મંડલને પકડી લીધો હતો. પોલીસ તપાસમાં પોતાને સ્ટોક માર્કેટમાં મોટું નુકશાન થતાં શોશિયલ મીડિયામાંથી બાળકનો ફોટો લઇ પોતાના બાળક તરીકે દર્શાવી ફંડિંગ ભેગું કર્યું હતું. આવી રીતે તેમણે 3.17 લાખ રૂપિયા ઉઘરાવી લીધા હતા. કેટ્ટો કંપનીએ ભોપાળાની ખબર પડતા જ સંદીપની પત્ની દીપિકા મલ્લિકના એકાઉન્ટમાં જે 3.17 લાખ જમા થયાં હતા તે પરત લઇ લીધા હતા અને બાળકના નામે નાણાં ઉઘરાવ્યા હોઇ આ નાણા બાળકના પિતાને આપી દીધા હતા.
