- સુરતની કોસંબા પોલીસે 16 લાખથી વધુની કિંમતનો દારુ ઝડપ્યો
- પોલીસને મળેલી બાતમીના આધારે પેટ્રોલિંગ દરમિયાન કરી કાર્યવાહિ
- હથોડા ગામની સીમમાં સત્યમ ટેક્સટાઇલ પાર્ક નજીકથી દારુ મળ્યો
સુરતઃ જિલ્લાની કોસંબા પોલીસે (Cosamba police) હથોડા ગામની સીમમાંથી સત્યમ ટેક્સટાઇલ પાર્ક પાસેથી મોટી માત્રામાં ભારતીય બનાવટનો વિદેશી દારૂ ઝડપ્યો છે. પોલીસે દારુ સહિત વાહનો મળી કુલ 16 લાખથી (liquor worth) વધુનો મુદ્દામાલ કબ્જે કર્યો છે.
પોલીસે બાતમીના આધારે દારુનો જથ્થો ઝડપ્યો
પોલીસ સૂત્રો પાસેથી મળતી માહિતી મુજબ કોસંબા પોલીસ સ્ટેશનના પોલીસકર્મીઓ પેટ્રોલીંગમાં હતા. તે દરમિયાન પોલીસ સ્ટેશનમાં ફરજ બજાવતા હીમાંશુ રશ્મિકાંતને બાતમી મળી હતી કે, હથોડા ગામની સીમમાં સત્યમ ટેક્સટાઇલ પાર્ક અને વિશ્વા ફૂડ પ્રોડક્ટ્સની વચ્ચે આવેલા શોપિંગ સેન્ટરની પાછળની ખુલ્લી જગ્યામાં ભારતીય બનાવટનો દારૂનો જથ્થો છે.
આ પણ વાંચોઃ અમદાવાદ લઈ જવાતો દારૂનો જથ્થો આણંદ પોલીસે ઝડપી પાડ્યો
પોલીસે દારુ સહિત 16 લાખથી વધુનો મુદ્દામાલ કબ્જે કર્યો
કોસંબા પોલીસે મળેલી બાતમીના આધારે તપાસ કરતા સ્થળ પરથી નાની મોટી વહીસ્કી, ટીન બિયરની બાટલીઓ, અશોક લેલેન્ડ ટેમ્પો, ટાટા સુપર ટેમ્પો, આર્ટિગા કાર મળી કુલ 16 લાખથી વધુનો મુદ્દામાલ કબ્જે કર્યો હતો.
વલસાડમાં અનોખા કીમિયા સાથે ઝડપાયા બુટલેગરો
તાજેતરમાં જ વલસાડમાં પણ બુટલેગરો (bootleger) ઝડપાયા હતા. દંતેશ્વરના બુટલેગરે પોલીસને થાપ આપવા નવો કીમિયો અજમાવ્યો હતો. બુટલેગરો પોલીસની પકડથી બચવા માટે અવનવા પેંતરા અજમાવી રહ્યાં છે. ત્યારે ગુરુવારે વડોદરા શહેરના દંતેશ્વર વિસ્તારના બૂટલેગરે પોલીસથી બચવા બૂટલેગરે હરિઓમ નગરની એક ગટરના ભોંયરામાં સુનિશ્ચિત રીતે વિદેશી દારૂ સંતાડી રાખ્યો હોવાનું જણાવતા પોલીસ ટીમ આશ્ચર્યમાં મૂકાઈ ગઈ હતી.
આ પણ વાંચોઃ વડોદરા પોલીસે ગટરની અંદરથી ઝડપ્યો દારુ, થાપ આપવાનો નવો કીમિયો
