સેલવાસમાં લોકોએ નારા લગાવી પ્રશાસક પ્રફુલ પટેલના પૂતળાને આગ ચાંપી

દાદરા નગર હવેલીમાં પ્રશાસક પ્રફુલ પટેલ સામેનો વિરોધ ચરમસીમાએ પહોંચ્યો છે. સ્થાનિક લોકો પ્રફુલ પટેલના પૂતળાને આગ ચાંપી ન્યાયની માગ કરી રહ્યા છે. યુવાનોએ દેશદાઝના નારા લગાવી વિરોધ કર્યો હતો. સેલવાસમાં બુધવારે સાંજે વિરોધ કરી રહેલા લોકોનું પોલીસ સાથે ઘર્ષણ થયું હતુ.

• પોલીસ અને સ્થાનિકો વચ્ચે થયું ઘર્ષણ
• પ્રફુલ પટેલ સામેનો વિરોધ ચરમસીમાએ પહોંચ્યો
• લોકોએ પ્રશાસક પ્રફુલ પટેલનું પૂતળું બાળ્યું
• યુવાનોએ દેશદાઝના નારા લગાવી પોતાનો આક્રોશ ઠાલવ્યો

સેલવાસ: સેલવાસમાં સ્થાનિક લોકો પ્રશાસક પ્રફુલ પટેલના પૂતળાને આગ ચાંપી સૂત્રોચાર કર્યો હતો. પ્રફુલ પટેલના પૂતળાને બાળતા રોકવાનો પ્રયાસ પોલીસે કરતા સ્થાનિક લોકો સાથે ઘર્ષણ થયું હતું. સ્થાનિક લોકોએ દેશદાઝના નારા લગાવી પોતાનો આક્રોશ ઠાલવ્યો હતો. કેન્દ્રશાસિત પ્રદેશ દાદરા નગર હવેલીમાં સાંસદ મોહન ડેલકરની આત્મહત્યા મામલે હજુ સુધી કોઈ કાર્યવાહી નહીં થતાં હવે પ્રદેશના લોકોની ધીરજ ખૂટી રહી છે. સ્થાનિક લોકો હવે પ્રશાસક પ્રફુલ પટેલના પૂતળા દહનની સાથે પોલીસ સાથે પણ ઘર્ષણમાં ઉતરી રહ્યા છે.

સેલવાસમાં લોકોએ નારા લગાવી પ્રશાસક પ્રફુલ પટેલના પૂતળાને આગ ચાંપી

આ પણ વાંચોઃ સેલવાસમાં મોહન ડેલકર આત્મહત્યા કેસમાં ન્યાયની માગણી સાથે પંચાયત સભ્યોની રેલી

પોલીસે પ્રફુલ પટેલના પૂતળાને લઈ જવાનો પ્રયાસ કર્યો

મોટી સંખ્યામાં સ્થાનિક લોકોએ એકઠા થઇ પ્રફુલ પટેલ સહિત જે 9 લોકોના નામ FIRમાં લખવામાં આવ્યા છે તેમના પૂતળાનું દહન કર્યું હતું. પોલીસે પ્રફુલ પટેલના પૂતળાને લઈ જવાનો પ્રયાસ કર્યો હતો, પરંતુ સ્થાનિક લોકોએ પોલીસ સામે વિરોધ કરી પૂતળાને આગ ચાંપી હતી.

પ્રફુલ પટેલ સામેનો વિરોધ ચરમસીમાએ પહોંચ્યો

ઇન્કલાબ ઝીંદાબાદ સાથે યુવાનોએ પોતાનો આક્રોશ ઠાલવ્યો

પૂતળા દહન કાર્યક્રમ દરમિયાન કેટલાક યુવાનોએ શર્ટ ઉતારી સળગતા પૂતળા ફરતે ગોળગોળ ફરી દેશદાઝના નારા લગાવ્યા હતાં. યુવાનોએ પ્રફુલ પટેલની વિરૂદ્ધના નારા સાથે "ઝુલ્મી જબ જબ ઝુલ્મ કરેગા સત્તા કે ગલીયારો સે, ચપ્પા ચપ્પા ગુંજ ઉઠેગા ઇન્કલાબ કે નારો સે" જેવા નારા લગાવી ઇન્કલાબ ઝીંદાબાદ સાથે પોતાનો આક્રોશ ઠાલવ્યો હતો.

આ પણ વાંચોઃ સેલવાસમાં ક્રિકેટ પ્રેમીઓએ પ્રફુલ પટેલના પૂતળાનું દહન કર્યુ

યુવાનોએ પોલીસની સામે જ પ્રશાસક પ્રફુલ પટેલના પૂતળાનું દહન કર્યું

પૂતળા દહન દરમિયાન મોટી સંખ્યામાં સ્થાનિક લોકોએ ઉપસ્થિત રહી રસ્તા પર, ચોકમાં બેસી પોતાનો આક્રોશ પ્રગટ કર્યો હતો. જેને સમજાવવામાં અને વિખેરવામાં પોલીસ જવાનો પણ નિષ્ફળ રહ્યા હતાં. યુવાનોએ પોલીસની સામે જ પ્રશાસક પ્રફુલ પટેલના પૂતળાનું દહન કર્યું હતું.