રાજકોટ : ઉપલેટા તાલુકાના મોટી પાનેલીમાં બે દિવસથી ગુમ મન્સુરભાઈ ખોજા વેપારીનો મૃતદેહ ફુલઝર ડેમ માંથી મળી આવ્યો હતો. મૃતક વેપારી મન્સુર ભાઈ ઘરેથી કોઈને કહ્યા વગર જ નીકળી જતાં પરિવારના સભ્યોએ શોધખોળ ચાલુ કરી હતી.તેમજ ભાયાવદર પોલીસમાં ફરિયાદ નોંધાવી હતી.
પોલીસે તપાસ કરતાં તળાવ રોડ પર આવેલી હાર્ડવેરની દુકાનના સીસીટીવી ફુટેજમાં મૃતક સાંજના 5:00 વાગ્યે ડેમના રસ્તે જતા જોવા મળ્યા હતા. ડેમ તરફ શોધખોળ કરતા વેપારીનો મૃતદેહ ડેમમાંથી મળી આવ્યો હતો. માનસિક બીમારીથી તેમજ અગમ્ય કારણોસર મોતને વહાલું કરવાનું પ્રાથમિક તારણ મળી આવ્યું છે.
