રાજકોટના થોરડામાં સાળાએ બનેવીની હત્યા કરી

રાજકોટમાં બે સાળાએ સામાન્ય બોલાચાલીમાં પોતાના બનેવીની હત્યા કરી નાખી હતી. જોકે, કારણ પતિ-પત્ની વચ્ચે થયેલી માથાકૂટ એ જ હત્યા પાછળનું હતું. પરિણીતાને તેના પતિ અંગે તેના ભાઈઓને ફરિયાદ કરી હતી. આ દરમિયાન પરિણીતાના ભાઈઓ તેના બનેવીને ગાળો બોલતા મામલો વધુ બગડ્યો હતો. પરિણીતાના ભાઈ અને તેના મામાના દીકરા સહિત લોકોએ આવીને મૃતક સલીમ સાથે ઝઘડો થયો હતો. ઝઘડા દરમિયાન સાજન પ્રભાતભાઈ સોલંકી પણ ઘાયલ થયો હતો. આ ઉપરાંત બિલાલ સલીમભાઈ, અકરમ સલીમભાઈ પણ ઘાયલ થતા તેમને સિવિલ હોસ્પિટલ ખસેડવામાં આવ્યા છે. ક્રાઈમ બ્રાન્ચની ટીમ હોસ્પિટલ ખાતે પહોંચી વધુ તપાસ હાથ ધરશે.

• રાજકોટમાં લગ્નમાં જવા બાબતે પતિ-પત્ની વચ્ચે માથાકૂટ
• પત્નીના ભાઈઓએ ભેગા મળી તેના બનેવીની હત્યા કરી
• પતિ વારંવાર શંકા કરતો હોવાનો પત્નીનો આક્ષેપ

રાજકોટઃ મૃતકની પત્ની મીરાએ જણાવ્યું હતું કે, તે બપોરે હુડકો શાંતિ નગર ચોકડીએ ભાઈની દીકરીની સગાઈમાં ગઈ હતી. તે અંગે પતિપત્ની વચ્ચે ઝઘડો થયો હતો. હત્યાનો ભોગ બનનારા સલીમ અજમેરીએ 8 વર્ષ પહેલા દેવીપૂજક યુવતી મીરા સાથે લગ્ન કર્યા હતા. જોકે, મૃતક પતિ વારંવાર તેની પત્ની પર શંકા રાખતો હતો. આના કારણે મીરાના ભાઈઓએ આવીને સલીમ પર હુમલો કર્યો હતો. સલીમ પર હુમલો કરવા માટે 15 લોકો આવ્યા હતા. તમામ લોકોએ સલીમ પર હુમલો કર્યો હતો.

15 હુમલાખોરોએ મૃતક પર હુમલો કર્યો હતો

ઝઘડો થતા પહેલા સલીમનો તેના સાળાઓ સાથે ફોન પર ઝઘડો થયો હતો. ત્યારબાદ તેના સાળાઓ સાથે કુલ 15 લોકો અહીં આવી પહોંચ્યા હતા અને સલીમ સાથે ઝઘડો કર્યો હતો.