રાજકોટ સ્પેશિયલ ઓપરેશન ગ્રૂપને વધુ એક સફળતા મળી છે. શહેરના ગોંડલ રોડ પર આવેલ ઇન્ડસ્ટ્રીઝ એરિયામાં રહેતી એક મહિલાને SOGએ બાતમીના આધારે ઝડપી પાડી છે. જેનુબેન સાજીદભાઈ સૈયદ નામની આ મહિલા પાસેથી એસઓજીએ 660 ગ્રામ માદક પદાર્થ કબજે કર્યો છે. આ માદક પદાર્થની બજાર કિંમત 3000 રૂપિયા કરતા વધારે છે. પોલીસે આ મહિલાની ધકપકડ કરી પ્રોહિબીશન એક્ટ હેઠળ ગુનો નોંધી આગળની કાર્યવાહી હાથ ધરી છે.
એસઓજીએ મહિલા ગાંજોને જથ્થો ક્યાંથી લાવી હતી, આ કામમાં તેની સાથે અન્ય કેટલા લોકો સામેલ છે, અને કેટલા સમયથી તે આ ગાંજાની હેરાફેરીનું કામ કરી રહી છે, વગેરે માહિતી મેળવવા તેની પુછપરછ કરી રહી છે.
