રાજકોટ : આગામી 28 મે નાં રોજ કે.ડી. પરવાડીયા મલ્ટી સ્પેશિયાલિસ્ટ હોસ્પિટલનું વડાપ્રધાન નરેન્દ્ર મોદીના હસ્તે (PM Modi visit Rajkot) લોકાર્પણ થનાર છે. હાલ આ કાર્યક્રમને સફળ બનાવવા તડામાર તૈયારીઓ ચાલી રહી છે. જેમાં અંદાજે 3 લાખથી વધારે લોકો આ તકે આવનાર હોવાથી કોઈ (PM Program in Rajkot) અવ્યવસ્થા ન થાય તે માટે કાળજી રખાઈ રહી છે. સાથે જ તમામ લોકોને પાર્કિંગ તેમજ જમવા સહિતની સંપૂર્ણ વ્યવસ્થા સુંદર રીતે કરવામાં આવી રહી છે. જેમાં ગરમીનો સમય હોવાથી લોકોને ઠંડક મળે તેમજ ચાલવાનું ઓછું રહે જેવી નાની બાબતોનું પણ માઈક્રો પ્લાનિંગ કરવામાં આવ્યું છે.
સભા માટે હેલીપેડો તૈયાર - આ અંગે વ્યવસ્થા સંભાળનાર બિલ્ડર એસો. પ્રમુખ પરેશ ગજેરાએ કહ્યું હતું કે, જસદણના આટકોટમાં કે.ડી.પરવાડિયા મલ્ટિસ્પેશ્યાલિટી હોસ્પિટલનું (KD Parvadia Multispeciality Hospital) 28 મે ના રોજ વડાપ્રધાનના હસ્તે લોકાર્પણ કરવાના છે, ત્યારે આ કાર્યક્રમમાં સૌરાષ્ટ્રનાં 11 જિલ્લામાંથી ત્રણ લાખથી પણ વધુ લોકો ઉમટી પડવાના છે. આ માટે 500 વિઘા જમીનમાં પાર્કિંગની વ્યવસ્થા ઉભી કરવામાં આવી છે. જેમાં સભા સ્થળ સુધી પહોંચવા વધુ ચાલવું પડે નહીં તે માટે સભા સ્થળની આસપાસ અને નજીક પાર્કિંગની વ્યવસ્થા પણ રાખવામાં આવી છે. વડાપ્રધાન સહિતનાં દિગ્ગજો માટે 4 હેલીપેડ તૈયાર કરવામાં આવ્યા છે.
આ પણ વાંચો : 2024માં ભાજપ તેલંગણામાં સરકાર બનાવશે,પરિવારવાદથી ચાલતી પાર્ટી કોઈનું ભલુ ન કરી શકે: PM મોદી
2000 સ્વયંસેવકો ખડેપગે - વધુમાં જણાવ્યું હતું કે, 600×1200 ફૂટનો વિશાળ ડોમ તૈયાર કરવામાં (Preparations Arrival PM in Rajkot) આવ્યો છે. જેમાં પણ જાહેર જનતાને બેસવા માટે અલગ-અલગ 4 ડોમ ઉભા કરાયા છે. આ તકે 1500 જેટલા સ્વયંસેવકો પાર્કિંગમાં અને ટ્રાફિક મેનેજમેન્ટમાં સેવા આપશે. તો સાથે જ 2000 સ્વયંસેવકો બેઠક વ્યવસ્થામાં ખડેપગે રહેશે. ઉનાળાને કારણે લોકોને પીવાનું પાણી મળી રહે તે માટે 2 લાખ લિટર પીવાનું પાણી ડોમમાં રાખવામાં આવશે.
આ પણ વાંચો : જાપાનમાં વડાપ્રધાન મોદીએ અમદાવાદને આ કારણે યાદ કર્યું, જુઓ વીડિયો
ભોજનની વ્યવસ્થા - આ ઉપરાંત જે લોકો જાહેર સભામાં (PM Modi visit Gujarat) આવે તે તમામ માટે ભોજનની ખાસ વ્યવસ્થા ગોઠવવામાં આવી છે. જેમાં વિશાળ જગ્યામાં 200 થી વધુ એકાઉન્ટ ગોઠવી દેવામાં આવ્યા છે. લોકો જમવાનું લેવાની સાથે આગળ ચાલતા રહે તે પ્રકારની વ્યવસ્થા ગોઠવવામાં આવી છે. 2 કલાકમાં 3 લાખ લોકો ભોજન લઈ શકે તેના માટેની તમામ સગવડ ઉભી કરાઈ છે. તેમજ જો ધારણા કરતા વધુ લોકો આવે તો તેના માટે પણ ખાસ LED સ્ક્રીન સહિતની વ્યવસ્થા કરવામાં આવી છે.
