રાજવી પરિવારની મિલકત મામલે સીટની રચના કરવાની કુમાર રણશૂરવીરસિંહની માગ

રાજકોટના રાજવી પરિવારમાં વારસાઈ મિલકતને લઈને વિવાદ સર્જાયો છે. જેમાં પ્રથમ બહેન અંબાલિકાદેવી દ્વારા ઠાકોર સાહેબ માંધાતાસિંહ વિરુદ્ધ પિતાની વારસાઈ મિલકતને લઈને દાવો કરવામાં આવ્યો હતો. જે મામલે વિવાદ સર્જાયો છે જેની કાર્યવાહી હજુ કોર્ટમાં છે. એવામાં માંધાતાસિંહના ભત્રીજા તેમજ અનિરુદ્ધસિંહના પૌત્ર એવા રણશૂરવીરસિંહ દ્વારા પણ વારસાઈ મિલકત અંગે દાવો રજૂ કરવામાં આવ્યો છે.

• રાજવી પરિવારની અબજોની મિલકતનો મામલો
• સીટની રચના કરવાની કુમાર રણશૂરવીરસિંહની માગ
• બહેન બાદ ભત્રીજાએ પણ મિલકત વિવાદમાં ઝૂકાવ્યું
  

રાજકોટઃ બહેન બાદ ભત્રીજા દ્વારા પણ વારસાઈ મિલકત મામલે દાવો કરવામાં આવતા રાજવી પરિવારની મિલકતનો વિવાદ ખૂબ જ ચર્ચાસ્પદ બન્યો છે. જ્યારે આ મામલે આજે રાજકોટમાં રણશૂરવીર દ્વારા પત્રકાર પરિષદ યોજવામાં આવી હતી. તેમજ મિલકત મામલે વધુ ખુલાસો કરવામાં આવ્યો હતો.

રાજવી પરિવારના મિલકત મામલે સીટની રચનાની માગ
રાજવી પરિવારના રણશૂરવીર સિંહ દ્વારા પરિવારની વારસાઈ મિલકત મામલે વહીવટી તંત્રના અધિકારીઓ પણ પર પણ આક્ષેપો કર્યા છે. જ્યારે આ મામલો વર્ષ 2016થી અપીલમાં છે. જેનો હજુ સુધી નિકાલ આવ્યો નથી. આ સાથે જ રાજવી પરિવારના રણશૂરવીરસિંહ દ્વારા મુખ્યપ્રધાન વિજય રૂપાણી સમક્ષ રાજવી પરિવારની મિલકત વિવાદ મામલે યોગ્ય તપાસ થાય તે માટે સીટની રચનાની કરવાની પણ માગ કરવામાં આવી છે. જેમાં અધિકારીઓ દ્વારા આ મામલે રૂ.10 કરોડની માગણી કરવામાં આવી હોવાનું પણ રાજકુમાર દ્વારા આક્ષેપ કરવામાં આવ્યો છે. જ્યારે રાજવી પરિવારની મિલકતના મામલે એક બાદ એક વિવાદો સામે આવી રહ્યા છે.

રાજવી પરિવારની રૂ.20 હજાર કરોડની મિલકતરાજકોટના રાજવી પરિવારની અંદાજીત 20 હજાર કરોડની વિવિધ મિલકત છે. જેમાં શહેરના અલગ અલગ રાજવી મહેલ, જવેલરી, જમીનો પેલેસ સહિતની વારસાઈ મિલકતનો વિવાદ છે. આ મામલે રણશૂરવીરસિંહ દ્વારા કાયદાકીય કાર્યવાહી પણ કરવામાં આવી છે. જે વર્ષ 2016થી હજુ એમને એમ જ છે. રાજવી લાખાજીરાજ જાડેજાની પાંચમી પેઢીનો દાવો રાજકોટના પૂર્વ રાજવી લાખાજીરાજ જાડેજાને ત્રણ પુત્ર હતાં. જેમાં ધર્મેન્દ્રસિંહજીનું નિ:સંતાન અવસાન થયું હતું. જ્યારે કરણસિંહજીનું સગીરવયે અવસાન થતાં. પ્રદ્યુમનસિંહજી ગાદીએ આવ્યા હતાં. જ્યારે પ્રદ્યુમનસિંહજીને વારસદારોમાં મનોહરસિંહ, પ્રહલાદસિંહ, જયરઘુરાજસિંહ તેમજ બે પુત્રીઓ પ્રેમીલાબા અને મોહિનીબા છે. જેમાંથી મનોહરસિંહજીને ગાદી મળી હતી. જ્યારે પ્રહલાદસિંહના વારસદારોમાં ભુવનેશ્વરીદેવી, દુર્ગાકુમારી તેમજ રાજેન્દ્રકુંવરબા તેમજ એક જ પુત્ર અનિરૂધ્ધસિંહ હતાં. અનિરૂધ્ધસિંહને સંતાનમાં બે પુત્ર રણશૂરવીરસિંહ, પુષ્કરરાજસિંહ તેમજ બે પુત્રી વીરાંગનાકુમારી, રાજલક્ષ્મીકુમારી અને પત્ની હંસિનીદેવી છે. આ પેઢીએ પ્રદ્યુમનસિંહજીની મિલકતમાં દાવો કર્યો છે.

આ પણ વાંચોઃ રાજકોટના રાજવી પરિવારમાં મિલ્કત વિવાદ, 31મીએ મહત્વની સુનાવણી

આ પણ વાંચોઃ રાજકોટના રાજવી પરિવારમાં મિલ્કતનો મામલો, અંબાલાદેવીના તરફેણમાં આવ્યો ચુકાદો