રાજકોટઃ કોરોનાના કહેર વચ્ચે રાજકોટમાં અજીબોગરીબ કિસ્સો સામે આવ્યો છે. જેમાં જિલ્લાના આજીડેમ વિસ્તારના ભૂતનાથ મંદિર નજીકના બંધ ડેલામાંથી અજાણ્યાં ઈસમોએ 5 જેટલા જીવતા બકરાની ચોરી કરી હતી, જે મામલે પોલીસ ફરિયાદ નોંધાતા આજીડેમ પોલીસે બાતમીના આધારે આ ત્રણેય ઇસમોને ચોરાવ 5 જીવતા બકરા સાથે ઝડપી પાડયા છે.
મુકેશ ઉર્ફ શામજી સિંધવ, વિરુ રાઠોડ અને મોહિત ચૌહાણ નામના ઈસમોને પોલીસે ઝડપ્યા છે. પોલીસે 5 જીવતા બકરાની કિંમતી 37 હજારની જાહેર કરી છે. ઉલ્લેખનીય છે કે એક તરફ ગુજરાતમાં કોરોનાનો સત્તત કહેર વધી રહ્યો છે, ત્યારે લોકડાઉન-4માં રાજ્ય સરકાર દ્વારા લોકોને થોડી છૂટછાટ આપવામાં આવતા આ તકનો લાભ હાલ ગુન્હેગારો લઈ રહ્યા છે.
