ગોંડલ સ્ટેશન વિસ્તારમાં ચોરોનો આતંક, રાત્રીના સમયે તસ્કરો 2 ગાડી ચોરી થયા રફુચક્કર

ગોંડલ શહેરના સ્ટેશન પ્લોટ વિસ્તારમાં તસ્કરો ત્રાટક્યા હતા. રાત્રીના સમયે ગાડીમાં આવેલા તસ્કરોએ 2 ગાડીઓની ચોરી કરી રફુચક્કર થયાની ઘટના સામે આવી છે. સમગ્ર ઘટનાની જાણ પોલીસને થતા CCTV ફૂટેજના આધારે પોલીસે તસ્કરને ઝડપી પાડવા તપાસ હાથ ધરી છે.

• ગોંડલમાં ચોરોનો આતંક
• એક જ રાતમાં 2 ગાડીઓની ચોરી કરતા તસ્કરો
• રાત્રીના સમયે 2 ગાડીઓની ચોરી થતાં પોલીસે નોંધી ફરિયાદ

ગોંડલઃ રાજકોટ જિલ્લાના ગોંડલ શહેરના સ્ટેશન પ્લોટ વિસ્તારમાં તસ્કરોઓનો આતંક જોવા મળ્યો છે. રાત્રીના સમયે તસ્કરોએ 2 ગાડીઓની ચોરી કરી ગયાની ઘટના પ્રકાશમાં આવી છે.

ગાડીમાં આવેલા તસ્કરોએ 2 ગાડીઓની કરી ચોરી

સ્ટેશન પ્લોટ વિસ્તારમાં રહેતા ઋષિભાઇ તરુણભાઇ રાજગુરુએ તેમના ઘર પાસે પાર્ક કરેલી 7 લાખ રૂપિયાની ગાડી તેમજ રેલ્વેના પાટા પાસે પાર્ક કરેલી જયેન્દ્રસિંહ મહેન્દ્રસિંહ ઝાલાની 7 લાખ રૂપિયાની ગાડી અજણ્યા શખ્સો ચોરી કરી ગયાની ફરિયાદ પોલીસે નોંધી હતી. પોલીસે CCTV ફૂટેજના આધારે તસ્કરોને ઝડપી લેવા ચક્રો ગતિમાન કર્યા છે. 2 ગાડીઓની ચોરી કરી રહેલા ચોરોને CCTVમાં સ્પષ્ટ જોઈ શકાય છે. આશ્ચર્યની વાત એ છે કે ચોરી કરવા આવેલા ચોર ગાડીમાં આવ્યા હતા. આ સમગ્ર ઘટના CCTVમાં કેદ થઈ છે. પોલીસે CCTV ફૂટેજના આધારે તપાસ હાથ ધરી છે.