- આગામી દિવસોમાં ત્રીજી લહેર આવવાની શક્યતાઓ બતાવાઇ રહી છે
- રાજકોટમાં પણ હાલ દરરોજ લોકોને વેક્સિન આપવામાં આવી રહી છે
- મનપા આરોગ્ય વિભાગ દ્વારા વિવિધ કેન્દ્ર પર લોકોને વેક્સિન અપાઇ રહી છે
રાજકોટ: દેશમાંથી કોરોના(Corona)ની બીજી લહેર હજુ સંપૂર્ણ રીતે પૂર્ણ નથી થઈ, એવામાં નિષ્ણાંતો દ્વારા દેશમાં હજુ આગામી દિવસોમાં ત્રીજી લહેરની શક્યતાઓ બતાવાઇ રહી છે, ત્યારે કોરોનાથી બચવાનો એક માત્ર ઉપાય હાલ કોરોનાની વેક્સિન(Vaccine) લેવાનો છે. ત્યારે દેશમાં અલગ-અલગ રાજ્યોમાં વેક્સિન(Vaccine) માટે મહાઅભિયાનો હાથ ધરવામાં આવ્યા છે તેમજ મોટા પ્રમાણમાં કોરોના(Corona)ની વેક્સિન લોકો લઈ રહ્યા છે. જેને લઈને રાજકોટમાં પણ હાલ દરરોજ લોકોને વેક્સિન (Vaccine)આપવામાં આવી રહી છે.
આ પણ વાંચો- Vaccination campaign: ભાવનગરમાં પ્રથમ ડોઝમાં 58 ટકા, બીજા ડોઝમાં 21 ટકા વેક્સિનેશન થયું
વેક્સિન લેવા કેન્દ્ર પર લોકોની ભીડ મળી જોવા
મનપાના આરોગ્ય વિભાગ દ્વારા અલગ-અલગ કેન્દ્ર ખાતેથી કોરોના(Corona)ની રસી આપવામાં આવી રહી છે. જેનો સૌ કોઈ લાભ લઇ રહ્યા છે, જ્યારે આજે રવિવાર હોવાથી વેક્સિન કેન્દ્ર (Vaccine Center)પર લોકોની ભીડ જોવા મળી હતી, જ્યારે વેક્સિન(Vaccine) માટે હોબાળો પણ સર્જાયો હોવાની ઘટના રાજકોટમાં જોવા મળી છે.
મેગાકેમ્પનું આયોજન હોવાના કારણે લોકોની ભીડ જામી હતી
દુકાનદારો, ફેરિયાઓ, વેપારીઓ વધુમાં વધુ લોકો સાથે સીધા જ સંપર્કમાં આવતા હોય અને ધંધા સાથે સંકળાયેલા હોય તેવા લોકોને 31 તારીખ સુધીમાં ફરજિયાત કોરોના(Corona)ની વેક્સિન લેવાનો આદેશ જાહેર કરવામાં આવ્યો છે, ત્યારે આજે મનપા દ્વારા આવા લોકો માટે મેગા કેમ્પનું આયોજન કરવામાં આવ્યું હતું. જેમાં વહેલી સવારથી જ મોટાભાગના ધંધાર્થીઓ કોરોના(Corona)ની વેક્સિન(Vaccine) લેવા માટે ઉમટી પડ્યા હતા. જેમાં રાજકોટના નાના મૌવા ખાતે આવેલા આરોગ્ય કેન્દ્રમાં મોટાપ્રમાણમાં લોકોની લાઈન જોવા મળી હતી. આજે રવિવાર હોવાથી અને મેગાકેમ્પનું આયોજન હોવાના કારણે લોકોની ભીડ જામી હતી.
વેપારીઓ મોટા પ્રમાણમાં વેકસીન લેવા ઉમટી પડ્યા
રાજકોટ મનપા દ્વારા આજે અલગ-અગલ ધંધા સાથે સંકળાયેલા લોકો માટે કોરોના(Corona) વેક્સિન કેમ્પ રાખવામાં આવ્યો હતો. જેમાં વેપારીઓ મોટી સંખ્યામાં આવ્યા હતા, જ્યારે વેપારીઓની સાથે સામાન્ય નાગરિકો પણ વેક્સિન(Vaccine) લેવા માટે કેન્દ્ર ખાતે આવતા લોકોની ભીડ એકઠી થઈ હતી.
વેકસીનના ટોકન માટે પડાપડી થતા પોલીસ બોલાવી પડી
શહેરના અમીન માર્ગ પર આવેલા આરોગ્ય કેન્દ્ર ખાતે લોકો વેક્સિન (Vaccine)લેવાના ટોકન માટે પડાપડી કરતા હતા, તેથી પોલીસને બોલાવવી પડી હતી. જ્યારે થોડા સમય માટે આરોગ્ય કેન્દ્ર પર હોબાળો મચી જવા પામ્યો હતો, પરંતુ પોલીસે ઘટના સ્થળે આવીને મામલો સાંભળી લીધો હતો.
આ પણ વાંચો- સુરતમાં વેક્સિનેશન માટે આખી રાત મચ્છરોના ત્રાસમાં લાઈનમાં ઉભા રહે છે લોકો
કેન્દ્ર ખાતે વ્યવસ્થાનો અભાવ હોવાનો આક્ષેપ
અમીન માર્ગ પર વેક્સિન(Vaccine) માટે આવેલા લોકોને ભારે હાલાકીનો સામનો કરવો પડ્યો હતો. ત્યારબાદ મનપા તંત્ર પર આક્ષેપો કર્યા હતા કે, અહીં આરોગ્ય કેન્દ્ર ખાતે કોઈ યોગ્ય વ્યવસ્થા નથી. જે લોકોને પ્રથમ ડોઝ લેવાનો છે, તેમની અલગ લાઈન હોવી જોઈએ. જ્યારે વેક્સિન માટે રજીસ્ટ્રેશન ઓનલાઈન હોવું જોઈએ અને ટોકન સિસ્ટમ ન હોવી જોઈએ તેમજ આરોગ્ય કેન્દ્ર ખાતે તમામ લોકોને વેક્સિન (Vaccine)મળી રહે તેવી વ્યવસ્થા હોવી જોઈએ તેવું પણ જણાવ્યું હતું.
