મહત્વનું છે કે, રાજકોટના એક વિસ્તારમાં શ્રમિક પરિવારની 8 વર્ષની દીકરીનું કર્યા અપહરણ બાદ દુષ્કર્મ આચર્યું હોવાની ઘટના ધટી હતી. જેના ગણતરીના કલાકોમાં જ પોલીસે આરોપીની ધરપકડ કરી છે. આ ઘટના સીસીટીવી ફુટેજ સામે આવ્યાં હતાં. જેથી પોલીસે સીસીટીવીની મદદથી આરોપી હરદેવ માંગરોળિયાને ઝડપી પાડ્યો હતો. આ સીસીટીવીમાં અપહરણકાર બાળકીને લઇને જતો દેખાય છે અને બાળકી દોડીને ઝૂંપડા બાજુ જતી હોય એવું સ્પષ્ટ દેખાઈ આવે છે. જેને આધારે પોલીસે ગુનો નોંધીને આરોપીની ધરપકડ કરી છે.
સમગ્ર ગુજરાતને શર્મશાર કરતી ઘટના સામે આવી છે. રાજકોટમાં 8 વર્ષની માસુમ બાળકી પર નરાધમે દુષ્કર્મ આચર્યું છે. જેને લઇ પોલીસે આરોપીની શોધખોડ હાથ ધરી ઉપરાંત આરોપીની બાતમી આપનારને 50 હજારના ઈનામની જાહેરાત કરી છે. રાજકોટમાં વધુ એક બાળકી સાથે દુષ્કર્મની ઘટના સામે આવી છે. શહેરના ઝૂંપડામાં રહેતા શ્રમિક પરિવારની 8 વર્ષની માસુમ બાળા સાથે અજાણ્યા ઇસમે દુષ્કર્મ આચર્યું છે. પરિવાર રાત્રે સુતો હતો. જે દરમિયાન રસ્તા પરથી પસાર થતા અજાણ્યા ઈસમે ઝૂંપડામાંથી બાળકીનું અપહરણ કર્યું હતું. તેમજ તેની સાથે દુષ્કર્મ આચર્યું હતું. ત્યારબાદ ઈસમ બાળકીને ફરી ઝુંપડા નજીક છોડી ભાગી છૂટ્યો હતો.
ઘટનામાં બાળકીને ગંભીર ઇજા પહોંચી છે. બીજી તરફ બાળકી સાથે દુષ્કર્મની ઘટના સામે આવતા પોલીસ તંત્ર પણ હરકતમાં આવ્યું છે અને વિવિધ ટીમો બનાવી આરોપીની શોધખોળ હાથ ધરી છે. ઈસમ બાળકીને ઉપડીને લઈ જતો હોવાના CCTV પણ બહાર આવ્યા છે. ઘટનાને જોતા પોલીસેલ આરોપીની બાતમી આપનારને 50 હજારનું ઈનામ પણ જાહેર કર્યું છે.
