- પ્રત્યેક શિવાલયમાં મહાદેવનો સમગ્ર પરિવાર આપી રહ્યો છે દર્શન
- સનાતન હિન્દુ ધર્મમાં એક માત્ર મહાદેવ જ સમગ્ર પરિવાર સાથે શિવાલયમાં થયા છે બિરાજમાન
- શ્રાવણ માસ દરમિયાન શિવભક્તો મહાદેવની સાથે તેમના સમગ્ર પરિવારના દર્શન કરી બને છે ભાવવિભોર
જૂનાગઢ: દેવાધિદેવ મહાદેવ (Mahadev) તેમના સમગ્ર પરિવાર સાથે દેશના પ્રત્યેક શિવાલયો (Shivalaya) માં દર્શન આપી રહ્યા છે. મહાદેવ એકમાત્ર એવા દેવ છે કે જે માતા પાર્વતી અને પોતાના સમગ્ર પરિવાર સાથે પ્રત્યેક શિવાલય (Shivalaya) માં દર્શન આપી રહ્યા છે. મહાદેવ (Mahadev) ને દેવોના દેવ તરીકે હિન્દુ સનાતન ધર્મ (Hinduism) માં પૂજવામાં આવે છે. દેવોના દેવ મહાદેવનો સામાજિક એકતાને લઈને જે ધાર્મિક સંદેશ આપવામાં આવ્યો છે તે પ્રત્યેક વ્યક્તિના અને ખાસ કરીને સમાજ જીવન માટે ખૂબ જ ઉપયોગી સાબિત થઇ રહ્યો છે. મહાદેવની ભગવાન તરીકે આદી અનાદીકાળથી પૂજા થતી આવી છે પરંતુ મહાદેવ તેમના પ્રત્યેક શિવ ભક્તોને ધાર્મિકતાની સાથે પારિવારિક જવાબદારી અને ભાવનાઓનું વહન કરવાનું પણ સૂચન કરી જાય છે.
આ પણ વાંચો: ભગવાન શિવની 12 જ્યોતિર્લિંગ, જેમની દ્રષ્ટિ માત્રથી તમામ તકલીફો થશે દૂર
શિવની સાથે માતા પાર્વતી ગણપતિ હનુમાનજી અને નદી પ્રત્યેક શિવાલયમાં આપે છે દર્શન
પ્રત્યેક શિવાલય (Shivalaya) માં મહાદેવ (Mahadev) ની સાથે માતા પાર્વતી વિઘ્નહર્તા દેવ ગણેશ, હનુમાનજી અને નદી ખાસ દર્શન આપી રહ્યા છે. માતા પાર્વતીનું વાહન વાઘ જોવા મળે છે તો બીજી તરફ ગણપતિ મહારાજ મુષકની સવારી કરે છે. મહાદેવના વાહન તરીકે નંદી અને મહાદેવના ગળામાં સર્પ જોવા મળે છે. વાઘ, નંદી, સર્પ અને મૂષક એકબીજાના કટ્ટર પ્રતિસ્પર્ધી માનવામાં આવે છે તેમ છતાં આ તમામ પ્રાણીઓ ભગવાન મહાદેવના પરિવારમાં શામેલ થઈને સુમેળ સાધી એકતા ભર્યા વાતાવરણમાં જોવા મળે છે. મહાદેવ (Mahadev) નો પરિવાર આ જ પ્રકારે પ્રત્યેક વ્યક્તિને તેના જીવનમાં મુશ્કેલ અને વિકટ ભરી પરિસ્થિતિ અને સંજોગોમાં પણ સામાજિક એકતાથી કઈ રીતે રહી શકાય તે માટેનો ધાર્મિક સંદેશ પૂરો પાડે છે.
આ પણ વાંચો: માંડવીમાં અજય દેવગણે મહાદેવ મંદિરમાં ટૂંકા વસ્ત્રમાં પૂજા અર્ચના કરી અને પછી...
