- જુનાગઢ પોલીસને મળી મોટી સફળતા, ચોરીના આરોપીને પકડી પાડ્યો
- પકડાયેલા ચોર પાસેથી 3 લાખ કરતા વધુની રોકડ અને દાગીનાનો મુદ્દામાલ કરાયો જપ્ત
- જૂનાગઢ પોલીસે આરોપીના રિમાન્ડ મેળવીને વધુ તપાસ હાથ ધરી
જૂનાગઢ: માંગનાથ રોડ વણઝારી ચોક અને કડીયાવાડ વિસ્તારમાં અલગ-અલગ 5 કરતાં વધુ ચોરીને અંજામ આપનારા અશોક મેરવાડા નામના ચોરને ઝડપી પાડયો છે. તેમની પાસેથી 3 લાખ કરતા વધુની રોકડ અને ચોરી કરવામાં આવેલા દાગીના સહિત 7 લાખનો મુદ્દામાલ પોલીસે જપ્ત કર્યો છે. આરોપીની રિમાન્ડ મેળવીને આ ઈસમે વધુ કેટલા ગુનાઓને અંજામ આપ્યો છે તે દિશામાં પણ તપાસ કરી રહી છે.
જૂનાગઢ પોલીસને મળી મોટી સફળતા
જુનાગઢ પોલીસને મોટી સફળતા મળી છે. શહેરના અલગ-અલગ વિસ્તારોમાં 5 કરતાં વધુ ઘરફોડ ચોરીને અંજામ આપનાર જૂનાગઢના ખામધ્રોળ રોડ પર રહેતા અશોક મેરવાડા નામના ચોરની અટકાયત કરી છે. પોલીસે CCTVને આધારે એક ચોરની અટકાયત કરી છે. પકડાયેલા આરોપી પાસેથી 3 લાખ કરતા વધુની રોકડ સહિત ચોરી કરેલા દાગીના મળીને કુલ 7 લાખ કરતાં વધુનો મુદ્દામાલ પણ જૂનાગઢ પોલીસે જપ્ત કર્યો છે. પકડાયેલા આરોપીને કોર્ટમાં રજૂ કરતાં પોલીસે તેને 3 દિવસના રિમાન્ડ પર મોકલવાનો આદેશ કર્યો છે. જેને લઇને આગામી દિવસોમાં હજૂ પણ કેટલાક ચોરીના ગુનાઓ ખુલે તેવી શક્યતાઓ જૂનાગઢ પોલીસ વ્યક્ત કરી રહી છે.
આ પણ વાંચો: જૂનાગઢ પોલીસને મળી સફળતા, બે હથિયાર અને 41 જીવતા કારતુસ સાથે આરોપીની ધરપકડ
ચોરી કરવા આરોપી દિવસે કરતો હતો બંધ મકાનની રેકી
પોલીસની આકરી પૂછપરછમાં પકડાયેલા ચોર અશોક મેરવાડા દિવસ દરમિયાન સાયકલ પર આવીને બંધ મકાનની રેકી કરતો હતો અને સાંજના સમયે ફરી સાઈકલ પર આવીને ચોરીની ઘટનાઓને અંજામ આપતો હતો માંગનાથ રોડ પર અંદાજિત 2.75 લાખની રોકડ મુદ્દામાલની છેલ્લી ચોરીની ઘટના બાદ પોલીસ પણ આરોપીને પકડી પાડવા માટે કમર કસી રહી હતી ત્યારે આ વિસ્તારમાં લગાવવામાં આવેલા CCTV મારફતે આરોપીને ઓળખ થઈ હતી જેને પોલીસે પકડી પાડયો હતો.
પોલીસે આરોપીની રિમાન્ડ મેળવીને વધુ તપાસ હાથ ધરી
જેની આકરી પૂછપરછમાં કડીયાવાડ વિસ્તારમાં અંદાજિત સાડા 3 લાખ કરતાં વધુ તેમજ આજ વિસ્તારમાં રોકડ અને દાગીના મળીને કુલ 7 લાખની ચોરીને અંજામ આપ્યો હતો. વધુમાં આ વ્યક્તિએ નવા નાગરવાડા વિસ્તારમાં પણ 7 લાખ રૂપિયાની રોકડની ચોરી કરી હોવાની કબૂલાત આપતા પોલીસ પણ ચોંકી ઉઠી હતી. પોલીસની આકરી પૂછપરછમાં પકડાયેલા અશોક મેરવાડાએ જૂનાગઢ શહેરમાં 5 કરતાં વધુ ઘરફોડ ચોરીને અંજામ આપ્યો હોવાની કબૂલાત આપતા પોલીસે તેની રિમાન્ડ મેળવીને વધુ તપાસ હાથ ધરી છે.
આ પણ વાંચો: જૂનાગઢના યુવાનોને લગ્ન કરીને છેતરપિંડી કરનાર લુંટેરી દુલ્હનને જૂનાગઢ પોલીસ પકડી પાડી
