જૂનાગઢ- જૂનાગઢ પોલીસને (Junagadh Police LCB)આજે મોટી સફળતા હાથ લાગી છે. જૂનાગઢ શહેરના દોલતપરા વિસ્તારમાં રામદેવપરા નજીક આવેલી કસ્તુરબા સોસાયટીમાં કેટલાક ઇસમો દ્વારા નશીલા પદાર્થની હેરાફેરી કરવામાં આવનાર છે તેવી પૂર્વ અને ચોક્કસ બાતમી મળતા પોલીસે કસ્તુરબા સોસાયટીના રહેણાંક મકાનમાંથી હરેશ વદર નામના ઈસમને મેફ્રેડોન નામના ડ્રગ્સ સાથે આરોપીને (Junagadh Police Arrest Drug peddler) પકડી પાડીને ધોરણસરની કાર્યવાહી ધરી છે. યુવાન પાસેથી પકડાયેલા નશીલા પદાર્થ મેફ્રેડોનની બજાર કિંમત 28 લાખની આસપાસ થવા જાય છે.
આરોપી પાસેથી પકડાયેલો પદાર્થ એફએસએલે મેફેડ્રોન તરીકે કર્યો જાહેર -જૂનાગઢ લોકલ ક્રાઇમ બ્રાંચના (Junagadh Police LCB)અધિકારીઓએ આરોપી હરેશ વદર પાસેથી મળેલો પદાર્થ નશીલો છે કે નહીં તેને લઈને એફ.એસ.એલ.ના અધિકારીઓને વૈજ્ઞાનિક પૃથક્કરણ (FSL Testing For Drugs Case) માટે આ પદાર્થ મોકલ્યો હતો. જેનું તાકીદે પરીક્ષણ પૂર્ણ થતા આરોપી યુવક હરેશ વદર પાસેથી પકડાયેલા 233 ગ્રામ નશીલો મેફ્રેડોન નામનો પદાર્થ હોવાનું બહાર આવ્યું હતું. પોલીસે હરેશ વદર નામના આરોપીની નશીલા પદાર્થ રાખવાના ગુનામાં અટકાયત કરીને ધોરણસરની કાર્યવાહી(Junagadh Police Arrest Drug peddler) હાથ ધરી છે.
