જૂનાગઢ મનપાની સ્ટેન્ડીંગ કમિટીની બેઠક મળી, વિકાસના કામો પર મારી મંજૂરીની મહોર

જૂનાગઢ મહાનગરપાલિકાની સ્થાઈ સમિતીની બેઠક મળી હતી. આ બેઠકમાં જૂનાગઢ કોર્પોરેશન વિસ્તારના વિવિધ વિકાસના કામોને સર્વાનુમત્તે મંજૂર કરવામાં આવ્યા હતા. કામોની વિગત પર નજર નાખીએ તો આગામી સંભવિત શિવરાત્રિના મેળા માટે 80 લાખ, પાણીના પંપીંગ સ્ટેશન માટે 30 લાખ તેમજ 10 લાખના ખર્ચે લોકોને જાહેર સ્થળ પર બેસવા માટે પ્લાસ્ટિકની બેન્ચ રાખવાનો સર્વાનુમતે નિર્ણય કરવામાં આવ્યો છે. જેને આગામી દિવસોમાં જનરલ બોર્ડ દ્વારા મંજૂર કરવામાં આવે તેવી શક્યતાઓ છે.

• મનપાની સ્ટેન્ડીંગ કમિટીની બેઠક મળી
• આગામી શિવરાત્રિના મેળા તેમજ એમ.જી.રોડ ના નવીનીકરણ માટે કરાયો ઠરાવ
• સફાઈ અને પાણીના પંપીંગ સ્ટેશન માટે પણ કરવામાં આવી વ્યવસ્થાં

જૂનાગઢઃ મનપાની સ્થાઈ સમિતિની બેઠક મળી હતી. જેમાં જૂનાગઢ કોર્પોરેશન વિસ્તાર તેમ જ આગામી દિવસોમાં રાજ્ય સરકાર જો શિવરાત્રિના મેળાને મંજૂરી આપે તો તેના આયોજનને લઈને જનરલ મીટીંગમાં કેટલાક ઠરાવો રાખવામાં આવ્યાં હતા.

જૂનાગઢ મનપાની સ્ટેન્ડીંગ કમિટીની બેઠક મળી

કોર્પોરેશન વિસ્તારમાં વિવિધ વિકાસના કામોને આપવામાં આવી અગ્રતા

સંભવિત શિવરાત્રિના મેળાને લઈને સ્ટેન્ડિંગ કમિટીમાં 80 લાખ રૂપિયાની વિશેષતા અને અલગ વ્યવસ્થા મેળાનો સુચારુ અને યોગ્ય આયોજન થાય તે માટે કરવામાં આવ્યાં છે. મેળાના સમય દરમિયાન સાફ સફાઈ તેમજ જાહેર શૌચાલય માટે અંદાજીત 5 લાખ રૂપિયાનો ખર્ચ કરવાનું પણ સ્ટેન્ડિંગ કમિટીની બેઠકમાં નક્કી કરવામાં આવ્યું છે. જૂનાગઢ કોર્પોરેશન વિસ્તારમાં પણ વિકાસના કામોને આ બેઠકમાં અગ્રતા આપવામાં આવી હતી. જૂનાગઢ શહેરના વિવિધ વોર્ડમાં આવેલા પાણીના પંપીંગ સ્ટેશન માટે 31 લાખ રૂપિયા નક્કી કરવામાં આવ્યા છે.

જૂનાગઢ મનપાની સ્ટેન્ડીંગ કમિટીની બેઠક મળી

કામોને ઠરાવને જનરલ બોર્ડમાં સામેલ કરવામાં આવશે

જૂનાગઢ મનપાની સ્ટેન્ડીંગ કમિટીની બેઠક મળી

જૂનાગઢ મ્યુનિસિપલ કોર્પોરેશનના કેટલાક વોર્ડમાં સામાન્ય લોકો બેસી શકે તેવા ઉદેશ માટે પ્લાસ્ટિકના બાંકડા બનાવવા માટે 10 લાખ રૂપિયા જેટલી રકમની ફાળવણી સ્ટેન્ડિંગ કમિટીની બેઠકમાં કરવામાં આવી હતી અને હવે સ્ટેન્ડિંગ કમિટીએ જે કામોને ઠરાવ કરીને સૂચવ્યાં છે જેને જૂનાગઢ મનપાના જનરલ બોર્ડમાં સામેલ કરવામાં આવશે અને થોડા જ દિવસોમાં તેના પર કાયદાકીય રીતે મંજૂરીની મહોર પણ લાગતી જોવા મળશે.