જામનગરઃ શહેરમાં છેલ્લા એક મહિનાથી સત્યસાંઈ સોસાયટીના રહીશો ગરીબ લોકોની ચિંતા કરી રહ્યા છે અને સોસાયટીમાં જ ભોજનાલય બનાવવામાં આવી છે અહીં ભોજન બન્યા બાદ જુદા જુદા વિસ્તારોમાં રહેલા પરપ્રાંતિય લોકોને વાહન મારફતે ભોજન પહોંચાડવામાં આવે છે.
જામનગરની સત્યસાંઈ સોસાયટી જોડાઈ સેવા યજ્ઞમાં, રોજ 1500 લોકોને ભોજન આપી રહ્યા છે સત્યસાંઈ સોસાયટીમાં રહેતા યુવકોથી લઈ વૃદ્ધ લોકો પણ ભોજન બનાવવામાં મદદ રૂપ થાય છે. ખાસ કરીને શહેરમાં કોઈ માણસ ભૂખ્યો ન રહે તેની સતત સત્યસાંઈ સોસાયટીના રહીશો ચિંતા કરી રહ્યા છે. જ્યારે કોઈ વસ્તુની ઘટ પડે ત્યારે સોસાયટીમાં જ ફાળો લેવામાં આવે છે અને સોસાયટીના લોકો યથાયોગ્ય ફાળો આપી રહ્યા છે. આવું તો આપણે અત્યાર સુધી સાંભળ્યું હશે કે વિવિધ ટ્રસ્ટો જ સેવા યજ્ઞમાં જોડાયા છે પણ જામનગરની સત્યસાંઈ સોસાયટીએ અનોખો ચીલો ચિતરયો છે.
