જામનગર SOGને મળી સફળતા, 5.20 લાખની ડ્રગ્સ સાથે 3ની ધરપકડ

જામનગર SOGએ બાતમીના આધારે શહેરના કાલાવડ નાકા બહાર આવેલી રંગમતી સોસાયટીમાથી મેફેડ્રોન ડ્રગ્સનું વેચાણ કરતાં 3 આરોપીની ધરપકડ કરી છે. આ સાથે જ SOGએ 5.20 લાખનો મુદ્દામાલ જપ્ત કર્યો છે.

• જામનગરમાંથી મેફેડ્રોન ડ્રગ્સના જથ્થા સાથે 3ની ધરપકડ
• 5.20 લાખની કિંમતનું 52 ગ્રામ મેફેડ્રોન ડ્રગ્સ જપ્ત
• મુંબઇના આસીફની સંડોવણી ખુલી

જામનગરઃ જામનગર SOGને મોટી સફળતા મળી છે. SOG ટીમે બાતમીના આધારે શહેરના કાલાવડ નાકા બહાર આવેલી રંગમતી સોસાયટીમાથી મેફેડ્રોન ડ્રગ્સનું વેચાણ કરતા 3 આરોપીની ધરપકડ કરી છે. આ સાથે જ એસઓજીએ 5.20 લાખનો મુદ્દામાલ જપ્ત કર્યો છે.

આરોપીના રિમાન્ડ મેળવવા કાર્યવાહી હાથ ધરાઇ

શહેર SOG આરોપીની ધરપકડ કર્યા બાદ પૂછપરછ હાથ ધરી હતી. જેમાં આ ડ્રગ્સ મુંબઈથી આવ્યું હોવાનું બહાર આવ્યું છે. જેના કારણે પોલીસે 52 ગ્રામના જથ્થા સાથે આરોપીની ધરપકડ કરી ત્રણેય શખ્સોના રિમાન્ડ મેળવવા કાર્યવાહી હાથ ધરી હતી.