- જામનગર મ.ન.પા.ની ચૂંટણી માટે કોંગ્રેસે જાહેર કર્યા ઉમેદવારો
- એકપણ સિનિયર સીટીઝનને ટિકિટ આપવામાં આવી નથી
- અનુભવીની સાથે યુવા ઉમેદવારોને પણ કોંગ્રેસે મેદાનમાં ઉતાર્યાં
જામનગર: સોમવારથી મહાનગરપાલિકાની ચૂંટણી પ્રક્રિયા શરૂ થતાં જ જામનગર કોંગ્રેસે વોર્ડ નં. 3, 4, 6, 7, 8, 12 અને 15નાં પોતાના ઉમેદવારો જાહેર કર્યા છે. શહેર કોંગ્રેસે પોતાની આ પ્રથમ યાદીમાં 27 ઉમેદવારોનાં નામ જાહેર કર્યા છે. જેમાંથી 17 નવા ચહેરા છે અને 10 ઉમેદવારોને રિપિટ કર્યા છે. જયારે વોર્ડ નં. 6માં માત્ર ત્રણ જ ઉમેદવારના નામ જાહેર કર્યા છે અને એક નામ હજુ જાહેર કર્યું નથી. ભાજપનાં ઉમેદવારો જાહેર થયા બાદ ચોથું નામ કોંગ્રેસ અહીં જાહેર કરશે.
3 ફેબ્રુઆરીએ પાર્લામેન્ટરી બેઠક બાદ બીજી યાદી જાહેર
સ્થાનિક સ્વરાજ્યની ચૂંટણી નજીક આવી રહી છે ત્યારે કોંગ્રેસે જામનગર કોર્પોરેશન માટે 27 ઉમેદવારોનું લિસ્ટ જાહેર કર્યું છે. શહેર કોંગ્રેસ પ્રમુખ દિગુભા જાડેજાએ કહ્યું હતું કે, વોર્ડ 12 અને 15નાં ઉમેદવારો તેમજ વોર્ડ નં.4નાં રચનાબેન નંદાણીયા અને આનંદ ગોહિલને રિપિટ કરાયા છે. આગામી 3 ફેબ્રુઆરીએ પાર્લામેન્ટરી બેઠક બાદ બીજી યાદી જાહેર કરવામાં આવશે. કોંગ્રેસની જાહેર થયેલી પ્રથમ યાદી જોઈને સ્પષ્ટપણે કહી શકાય છે કે, આ વખતે અનુભવીની સાથે સાથે યુવા ઉમેદવારોને પણ કોંગ્રેસે આ વખતે મેદાનમાં ઉતાર્યા છે અને સિનિયર સિટીઝન્સની બાદબાકી કરવામાં આવી છે.
જામનગરમાં ચાર પાર્ટીઓ વચ્ચે ચૂંટણી જંગ જામશે
જામનગરમાં સ્થાનિક સ્વરાજ્યની ચૂંટણીમાં ભાજપ અને કોંગ્રેસ સિવાય આમ આદમી પાર્ટી અને NCP પણ ભાગ લેશે. જેના માટે તેઓએ પોતાનાં ઉમેદવારોનું લિસ્ટ જાહેર કરી દીધું છે. જો કે કોંગ્રેસની પ્રથમ યાદી જાહેર થતાં ભાજપ પણ એકાદ બે દિવસમાં પોતાની યાદી જાહેર કરે તેવી શક્યતાઓ સર્જાઈ રહી છે. આ વર્ષે તમામ પાર્ટીનાં મેનિફેસ્ટોમાં અનેક લોભમણી જાહેરાતો કરવામાં આવી છે. મતદારોને રિઝવવા માટે તમામ પાર્ટીઓ હવે મેદાનમાં ઉતરી છે.
વોર્ડ નંબર: 3
- પંડ્યા દિપ્તીબેન કમલેશભાઈ
- રાયઠઠ્ઠા મીના રાજેશ
- જેઠવા શક્તિસીંઘ મહેન્દ્રસીંઘ
- ભાલોડીયા લલીતભાઈ ખીમજીભાઈ(કે.પી)
વોર્ડ નંબર: 4
- નંદાણીયા રચનાબેન સંજયભાઈ
- જાડેજા સુષ્માબા દિવ્યરાજસીંધ
- ગોહિલ આનંદ નાથાભાઈ
- ગુજરાતી સુભાષભાઈ બચુભાઈ
વોર્ડ નંબર: 6
- ગોહેલ લક્ષ્મીબેન ખીમજીભાઈ
- વાઘેલા સમજુબેન મહેશભાઈ
- ગોઝીયા ભરતભાઈ હર્ષીભાઈ
વોર્ડ નંબર: 7
- પાનખરીયા જયશ્રીબેન પ્રવિણભાઈ
- ગજેરા રંજન આર
- પટેલ પાર્થ મોતીલાલ
- ચનીયારા પ્રવિણભાઈ (કે.પી)
વોર્ડ નંબર: 8
- પરમાર ભાવનાબેન ભવાનભાઈ
- ત્રિવેદી પદમાબેન મનસુખભાઈ
- ડોઢીયા તેજસ કિશોરચંદ
- ચૌહાણ નરેન્દ્રસિંહ મુળુભા
વોર્ડ નંબર: 12
- ખફી જેનાબ ઈબ્રાહીમભાઈ
- જુનેજા ફેમીદાબેન રીઝવાન
- ખફી અલ્તાફભાઈ ગફારભાઈ
- ખીલજી અસ્લમભાઈ કરીમભાઈ
વોર્ડ નંબર: 15
- સુમરા મરીયમબેન કાસમભાઈ
- વાઘેલા શીતલબેન અજયભાઈ
- રાઠોડ આનંદભાઈ રામજીભાઈ
- બડીયાવદ્રા દેવસીભાઈ ભીખાભાઈ
