- અર્હમ ગ્રુપ દ્વારા ફ્રુટ, છાશ અને મિનરલ વોટરનું વિતરણ
- દર્દીનાં સગાં વ્હાલાઓને તેમજ દર્દીઓને કરવામાં આવી રહ્યું છે વિતરણ
- છેલ્લા કેટલાય દિવસથી દરરોજ કરાય છે વિતરણ
જામનગરઃ રાજ્યમાં કોરોનાની મહામારી ચાલી રહી છે, ત્યારે અનેક સેવાભાવી સંસ્થાઓ આગળ આવી છે અને આ સેવાભાવી સંસ્થાઓ આ કપરા સમયમાં કોરોનાના દર્દીઓ તેમજ તેના સગા વ્હાલાઓની મદદ કરી રહ્યા છે. જામનગરમાં અર્હમ ગ્રુપ દ્વારા ગુરુ ગોવિંદસિંહ હોસ્પિટલમાં દરરોજ ફ્રુટ, પાણી અને છાશનું વિનામૂલ્યે વિતરણ કરવામાં આવી રહ્યું છે.
જામનગરના અર્હમ ગ્રુપનું ઉમદા કાર્ય
જૈન સમાજની સેવાભાવી સંસ્થા દ્વારા છેલ્લા 12 દિવસથી રોજ દર્દીનાં સગાં વ્હાલાઓને તેમજ દર્દીઓને વિનામૂલ્યે ફ્રુટ, છાશ અને મિનરલ વોટરનું વિતરણ કરવામાં આવી રહ્યું છે.
આ પણ વાંચોઃ બારડોલીમાં થિંક ટેન્ક ગૃપ દ્વારા કોરોના દર્દીઓ માટે વિનામૂલ્યે દવાનું વિતરણ
અર્હમ ગ્રુપ દ્વારા એક સ્ટોલ ખોલવામાં આવ્યો
એમ.પી.શાહ મેડીકલ કોલેજના ગેટ પાસે જ અર્હમ ગ્રુપ દ્વારા એક સ્ટોલ ખોલવામાં આવ્યો છે. અહીં લાંબી કતારોમાં કોરોનાના દર્દીઓના સગાઓ વિવિધ વસ્તુઓ લેવા માટે આવી રહ્યા છે. જૈન સમાજના વિવિધ દાતાઓ દ્વારા રોજ અરહમ ગ્રુપમાં દાન પણ આપવામાં આવે છે. અરહમ ગ્રુપ દ્વારા દરરોજ 500 કિલો ફૂટ તેમજ મિનરલ વોટર અને છાશનું દર્દીઓના સગાઓને વિના મૂલ્યે વિતરણ કરવામાં આવે છે.
