ગાંધીધામમાં યોજાયેલી સુઝાન્સ ટી-20 વુમન્સ કપમાં જામનગરના નવાનગર ક્રિકેટ એકેડમીની મહિલા ક્રિકેટ ટીમ ચૅમ્પિયન બની છે. ગાંધીધામના DPS/ ઈફકો ગ્રાઉન્ડ ખાતે 17 ડીસેમ્બરથી 19 ડીસેમ્બર ત્રણ દિવસમાં ચાર ટીમ વચ્ચે કુલ 5 મૅચ યોજાઇ હતી. જેમાં તમામ મૅચમાં જામનગરની ટીમ વિજય બની છે. આ ટુર્નામેન્ટમાં મુંબઈ, ગાંધીધામ, ભુજ અને જામનગરની ટીમ વચ્ચે ક્રિકેટનો મુકાબલો થયો હતો. જેમાં ફાઈનલમાં ગાંધીધામની ટીમને હરાવીને જામનગરની મહિલા ક્રિકેટ ટીમ ચૅમ્પિયન બની છે.
પ્રથમ દાવમાં જામગરનની ટીમે 5 વિકેટના નુકસાને 20 ઓવરમાં 96 રન કર્યા હતા. જેનો પીછો કરનારી ગાંધીધામની ટીમ 20 ઓવરમાં 9 વિકેટ ગુમાવી માત્ર 89 રન બનાવી શકી હતી. ગાંધીધામ સુઝાન્સ ટી-20 વુમન્સ કપ 2019માં બેસ્ટ પ્લેયર ઓફ ટુર્નામેન્ટ તેમજ પ્લેયર ઓફ ધ મૅચ તરીકે જામનગર ક્રિકેટ ટીમના કૅપ્ટન નેહા ચાવડાની પસંદગી કરવામાં આવી હતી. જ્યારે બેસ્ટ બેટ્સમેન ઓફ ધ ટુર્નામેન્ટ તરીકે રીના સવાસડીયાની પસંદગી કરવામાં આવી હતી.
નેહા ચાવડાએ ફાઈનલ મૅચમાં 48 બોલમાં 56 રન ફટકાર્યા તેમજ 4 ઓવરમાં 1 વિકેટ અને 1 મેડન ઓવર નાખીને માત્ર 6 રન આપી શ્રેષ્ઠ દેખાવ કર્યો હતો. ઉલ્લ્ખનીય છે કે, ગત વર્ષે જામનગરમાં યોજાયેલા નવાનગર વુમન્સ કપમાં પણ જામનગરની ટીમ ચૅમ્પિયન બની હતી.
આ ટુર્નામેન્ટ દરમિયાન ટીમ મેનેજર તરીકે ભરત મથ્થરે સક્રિય ભુમિકા નિભાવી હતી. નવાનગર ક્રિકેટ એકેડમીની મહિલા ક્રિકેટ ટીમને ચૅમ્પિયન બનવા બદલ દરેક મહિલા ખેલાડીને જામનગર ડિસ્ટ્રીકટ ક્રિકેટ એસોસીએશન દ્રારા શુભેચ્છા પાઠવવામાં આવી હતી.
મહિલા ક્રિકેટ ટીમઃ
- નેહા ચાવડા (કૅપ્ટન)
- રિદ્ધી રૂપારેલ
- રીના સવાસડીયા
- ધર્મી થપેટલા
- સુજાન સમા
- ધ્રુવી વજાણી
- માહિનુર ચૌહાણ
- અનુષ્ઠા ગૌસ્વામી
- તેસીન ચૌહાણ
- પ્રિતિકા ગૌસ્વામી
- મુશકાન મલેક
- ખુશી ભીંડી
- રાબીયા સમા
