એક જ જગ્યાએ વર્ષોથી ચીપકી રહેલાં સાંતેજ પોલીસ સ્ટેશનના 6 કર્મીઓની બદલી, હજુ બદલાશે

કલોલ તાલુકાના સાંતેજ પોલીસ સ્ટેશનમાં ફરજ બજાવતા 6 પોલીસ કર્મચારીઓની જિલ્લા પોલીસ વડા દ્વારા બદલી કરવામાં આવી છે. આ કર્મચારીઓમાં કેટલાકની સામે ફરિયાદો ઉઠી હતી. જ્યારે કેટલાંક વર્ષોથી એક જ જગ્યાએ ચીપકી રહ્યા હતા. આગામી દિવસમાં વગર આવીને વર્ષોથી એક જ જગ્યાએ પડી રહેલા પોલીસ કર્મચારીઓની બદલીઓ કરવામાં આવશે તેમ પણ સૂત્રો દ્વારા જાણવા મળી રહ્યું છે.

ગાંધીનગરઃ સરકારી કચેરીઓમાં એક કર્મચારીની ત્રણ વર્ષ સુધી જ નિમણૂક આપવામાં આવતી હોય છે. ત્યારબાદ તેની બદલી કરવી જરૂરી હોય છે. પરંતુ ઉપર સુધીની આવક ધરાવતાં કર્મચારીઓ વર્ષો સુધી એક જગ્યાએ ચીપકી રહેતાં હોય છે. ત્યારે કલોલ તાલુકાના સાંતેજ પોલીસ સ્ટેશનમાં ફરજ બજાવતાં 6 પોલીસ કર્મચારીઓની સેકટર-7 પોલીસ મથકમાં જિલ્લા પોલીસ વડા દ્વારા બદલી કરવામાં આવી છે.

એક જ જગ્યાએ વર્ષોથી ચીપકી રહેલાં સાંતેજ પોલીસ સ્ટેશનના 6 કર્મીઓની બદલી, હજુ બદલાશે

સૂત્રો દ્વારા મળતી માહિતી મુજબ 6 કર્મચારીઓની બદલી કરવામાં આવી છે. તેમાં ત્રણ કર્મચારીઓ સામે અનેક વખતે ફરિયાદો ઉઠી રહી હતી. તેને ધ્યાનમાં રાખીને જિલ્લા પોલીસ વડાએ પોતાની નજર તેમના ઉપર રહે તે માટે નજીકના પોલીસ સ્ટેશન સેક્ટર 7માં બદલી કરી છે. જ્યારે કેટલાક કર્મચારી વર્ષોથી સાતેજ પોલીસ સ્ટેશનમાં અડ્ડો જમાવી બેઠાં હતાં. જેને લઇને જિલ્લા પોલીસ વડા દ્વારા લાલ આંખ કરાઈ છે. ઉલ્લેખનીય છે કે, આગામી દિવસોમાં જિલ્લાના પોલીસ સ્ટેશનોમાં વર્ષોથી પોતાનો એક્કો જમાવી બેઠેલાં કર્મચારીઓને બદલી નાખવામાં આવશે.