ગાંધીનગરઃ નિતીન પટેલે ઉમેર્યું કે, નર્મદા યોજનાની મુખ્ય નહેરમાંથી એસ્કેપ સ્ટ્રકચરનું સંચાલન કરી હેરણ, દેવ, કરાડ, કુન, વાત્રક, મેશ્વો, સાબરમતી, રૂપેણ, પુષ્પાવતી તથા બનાસ મળી કુલ -૧૦ નદીઓમાં નર્મદાના પાણી છોડવાની વ્યવસ્થા કરવામાં આવી છે અને તે માટે નર્મદા મુખ્ય નહેરમાં પાણીનું વહેણ 11000 થી વધારીને 13000 ક્યુસેક કરવામાં આવ્યું છે.હાલ આ નદીઓ પૈકીની હેરણ, દેવ, કરાડ, કુન, વાત્રક, સાબરમતી, રૂપેણ અને બનાસ મળી કુલ 8 નદીઓમાં 1806 ક્યુસેક પાણી છોડવાનું શરુ કરી દેવાયુ છે.જયારે મેશ્વો અને પુષ્પાવતી નદીમાં ટૂક સમયમાં પાણી છોડવામાં આવશે.જેના પરિણામે ખાસ જરૂરિયાતના સમયે આ નદીઓમાં નર્મદાનું પાણી ઉપલબ્ધ થવાથી,આ વિસ્તારના ખેડૂતોને અને પશુપાલકોને લાભ થશે.સાથે સાથે ભૂગર્ભ જળ રીચાર્જ થશે અને કેનાલ હેડ પાવર હાઉસમાંથી આ વધારાનું પાણી પસાર થતાં જળવિદ્યુત ઉત્પાદનમાં પણ વધારો થશે.
