ગાંધીનગર : રાજ્યના NDRFના કમાન્ડો વિજયસિંહ જણાવ્યું હતું કે, તકેદારીના ભાગરૂપે રાજ્યમાં 13 જેટલી NDRFની ટીમ ને રાજ્યના અલગ અલગ વિસ્તારોમાં સ્ટેન્ડબાય કરી દેવામાં આવી છે જ્યારે સૌથી વધુ દક્ષિણ ગુજરાતમાં ત્રણ NDRFની ટીમ મોકલવામાં આવી છે. જ્યારે હજુ રાજ્યમાં ડેમમાં પાણીની જગ્યા હોવાના કારણે રેસ્ક્યુ અથવા સ્થળાંતરની કાર્યવાહી શરૂ કરી નથી પરંતુ સાત દિવસમાં અતિભારે વરસાદની આગાહી છે તે દરમિયાન જિલ્લા કલેકટર સાથે સંપર્ક અને બેઠક કરીને સ્થળાંતરની પ્રક્રિયાની જરૂર પડશે તો કરવામાં આવશે. આ સાથે જ શુક્રવારે સવારના પાંચ વાગ્યા સુધી મોરબીમાં લોકોના રેસ્ક્યુ ઓપરેશન કરવામાં આવ્યા હતા.
રાજ્યમાં ભારે વરસાદના કારણે કુલ 225 રસ્તાઓ પણ બંધ કરવાની ફરજ પડી છે સ્ટેટ હાઇવે સહિત પંચાયત હસ્તકના રસ્તાઓ ઉપરાંત દક્ષિણ ગુજરાતમાં સૌરાષ્ટ્ર વિસ્તારના અનેક રસ્તાઓ બંધ કરવામાં આવ્યા છે. આમ સમગ્ર રાજ્યમાં કુલ 225 જેટલા રસ્તાઓ બંધ કરવામાં આવ્યા છે જેમાં...
બંધ કરેલા રસ્તાની વિગત
- સ્ટેટ હાઇવે
- ભરૂચ 1
- સુરત 6
- તાપી 1
- રાજકોટ 1
- દ્વારકા 1
- સુરેન્દ્રનગર 1
- પોરબંદર 1
જિલ્લાના રસ્તાઓ જે બંધ છે
- તાપી 4
- છોટા ઉદેપુર 1
- બરોડા 1
પંચાયત હસ્તક બંધ રસ્તાઓ
- બરોડા 10
- નર્મદા 4
- છોટાઉદેપુર 1
- દાહોદ 2
- ભરૂચ 2
- સુરત 94
- તાપી 44
- નવસારી 17
- વલસાડ 15
- ડાંગ 9
- રાજકોટ 1
- દ્વારકા 2
- જુનાગઢ 3
- પોરબંદર 3
જ્યારે દક્ષિણ ગુજરાતમાં વધારે વરસાદની આગાહીને ધ્યાનમાં લઇને રાજ્યના મુખ્યપ્રધાન વિજય રૂપાણીએ સુરત કલેકટર અને મ્યુનિસિપલ કમિશનર સાથે પણ ટેલિફોનિક વાતચીત કરીને વરસાદની પરિસ્થિતિનો તાગ મેળવ્યો હતો. આ સાથે જ તંત્રને એલર્ટ રહેવાની પણ સૂચના મુખ્યપ્રધાન વિજય રૂપાણીએ આપી હતી. જ્યારે ભારે વરસાદના કારણે ઉકાઈ અને આમલી ડેમમાં પાણીની આવકમાં વધારો નોંધાતા અસરગ્રસ્ત ગ્રામજનો અને સુરક્ષિત જગ્યાએ ખસેડવા માટે પણ રાજ્યના મુખ્યપ્રધાન વિજય રૂપાણીએ સુચના આપી છે.
