ગાંધીનગર: રાજ્યના નાણાંપ્રધાન કનુ દેસાઈ દ્વારા ગુજરાતનું 2022-23નું સામાન્ય બજેટ (Gujarat Budget 2022) રજૂ કરવામાં આવ્યું છે. વર્ષ 2022-23માં ગુજરાત સરકારનો મહેસૂલી આવકનો અંદાજ (Estimated revenue of gujarat) 1,82,045.46 કરોડ રૂપિયા છે. તો મહેસૂલી ખર્ચનો અંદાજ (Revenue Expenditure Gujarat) 1,81,039.60 કરોડ રૂપિયા છે. મહેસૂલી હિસાબ પર પુરાંત (Revenue surplus Gujarat) 1005.86, મૂડીની આવકનો અંદાજ (estimates of capital income gujarat) 51,251, લોન અને પેશગી સહિત મૂડી ખર્ચનો અંદાજ 59,394.06 અને મૂડી હિસાબ પર ખાધનો અંદાજ 8143.06 છે.
ચોખ્ખી લેવડદેવડ 668.09 કરોડ
તો કુલ એકત્રિત ફંડ 7137.20, જાહેર હિસાબ 7805.29 અને ચોખ્ખી લેવડ-દેવડ 668.09 કરોડ (net transactions gujarat government)છે. વર્ષ 2020-21માં રૂ. 6865.70 પુરાંતનો અંદાજ હતો, પરંતુ ચોખ્ખી લેવડ-દેવડને કારણે સરકારને રૂ. 161.99 કરોડની ખાધ ઊભી થઈ છે. વર્ષ 2020-21માં એકત્રિત ફંડ રૂ. 496.04 કરોડ હતું જેની સામે વર્ષના અંતે ચોખ્ખો હિસાબ રૂ. 657.03 કરોડ થયો છે. સરકારને રૂ. 161.99 કરોડની ખાધ ઊભી થઈ
2 લાખ 43 હજાર 965 કરોડ રૂપિયાનું બજેટ
વર્ષ 2022-23 માટે ગુજરાતનું 2 લાખ 43 હજાર 965 કરોડ રૂપિયાનું બજેટ રજૂ કરવામાં આવ્યું છે, જેમાં કૃષિ વિભાગ (Department of Agriculture Gujarat) માટે રૂપિયા 7,737 કરોડની જોગવાઈ કરવામાં આવી છે. તો જળ સંપત્તિ વિભાગ માટે રૂપિયા 5,539 કરોડ અને પાણી પુરવઠા વિભાગ માટે રૂપિયા 5,451 કરોડ તેમજ આરોગ્ય વિભાગ માટે રૂપિયા 12,240 કરોડની જોગવાઈ કરવામાં આવી છે. શિક્ષણ વિભાગ માટે રૂપિયા 34,884 કરોડની ફાળવણી કરવામાં આવી છે.
આ પણ વાંચો: Gujarat budget 2022 LIVE : નાણાં પ્રધાન કનુભાઈ દેસાઈ રજૂ કરી રહ્યા છે ગુજરાત બજેટ 2022
બજેટ દરેક સમાજને સુખાકારી આપનારું - નાણાંપ્રધાન
ઉલ્લેખનીય છે કે, બજેટ રજૂ કરતા પહેલા નાણાં પ્રધાન કનુ દેસાઈએ પોતાની પ્રતિક્રિયા આપી હતી. જેમાં જણાવ્યુ હતુ કે, જનતાએ ભારતીય જનતા પાર્ટીને છેલ્લા 27 વર્ષથી આશીર્વાદ આપ્યા છે. આ સરકારનું છેલ્લું બજેટ છે, જેથી આ બજેટ દરેક સમાજને સુખાકારી આપનારું તેમજ ઈન્ફ્રાસ્ટ્રક્ચરને વેગ આપનારુ હશે
