Gujarat Assembly 2022: છેલ્લા 3 વર્ષમાં રાજ્યમાં 10,092 બાળકો ગુમ, હજુ સુધી 1007 બાળકોનો કોઈ પત્તો જ નહીં

ગુજરાત વિધાનસભામાં પાટણના ધારાસભ્ય(MLA of Patan) કિરીટ પટેલે પ્રશ્ન કરેલ હતો કે છેલ્લા ત્રણ વર્ષમાં કેટલા બાળકો ગૂમ થયા? વિધાનસભામાં રજૂ થયેલા આંકડા પ્રમાણે કુલ 10,092 જેટલા બાળકો છેલ્લા ત્રણ વર્ષમાં ગુમ થયા છે. ગુજરાતની પોલીસ હજુ પણ રાજ્યમાંથી 1007 બાળકો જે ગુમ થયા છે અને સરકારના ચોપડે નોંધાયા છે તેની હજી સુધી કોઈ જ પ્રકારની ભાળ મળી નથી.

ગાંધીનગર: રાજ્યમાં બાળકોની ચોરીના(kidnapping children) અનેક કિસ્સાઓ સામે આવે છે. ત્યારે માતા પિતા દ્વારા નજીકના પોલીસ સ્ટેશનમાં બાળક ગુમ થયા હોવાની ફરિયાદ નોંધવામાં આવે છે. ત્યારે રાજ્યમાં છેલ્લા ત્રણ વર્ષમાં કેટલા બાળકો ગૂમ(Children missing in three years) થયા હોવાનો પ્રશ્ન પાટણના ધારાસભ્ય કિરીટ પટેલે કર્યા હતા. જેમાં રાજ્ય સરકારે સત્તાવાર આંકડો જાહેર કર્યો છે. જેમાં વર્ષ 2019માં 3538, 2020માં 2991 અને વર્ષ 2021માં 3463 મળીને કુલ 10,092 બાળકો ગુમ થયા હોવાનું સરકારી ચોપડે નોંધાયેલ છે.

ધાનસભામાં રજૂ થયેલા આંકડા

પોલીસે 9085 બાળકોની ભાળ મેળવી - ગુજરાત પોલીસ દ્વારા પણ માતા પિતાની ફરિયાદના(Complaint of parents) આધારે તાત્કાલિક ધોરણે તપાસ કરવામાં આવી રહી છે. ત્યારે ગુજરાત વિધાનસભામાં રજૂ થયેલા આંકડા(Numbers presented in Gujarat Assembly) પ્રમાણે કુલ 10,092 જેટલા બાળકો છેલ્લા ત્રણ વર્ષમાં ગુમ થયા છે. જે પૈકી હાલમાં 31 ડિસેમ્બર 2021ની પરિસ્થિતિએ ગુજરાત પોલીસ દ્વારા કુલ 9085 બાળકોને પરિવાર સાથે મિલાન કરાવ્યું છે.

ધાનસભામાં રજૂ થયેલા આંકડા

આ પણ વાંચો: Kidnapping child In Ahmedabad : અમદાવાદમાં બાળકનું અપહરણ કરી સૃષ્ટિ વિરુદ્ધનું કૃત્ય કરી ભીખ મગાવતો શખ્સ ઝડપાયો

1007 બાળકોનો કોઈ પત્તો નહિ - રાજય ગુજરાતની પોલીસ(Gujarat Police) હજુ પણ રાજ્યમાંથી 1007 બાળકો જે ગુમ થયા છે અને સરકારના ચોપડે નોંધાયા છે તેની હજી સુધી કોઈ જ પ્રકારની ભાળ મળી નથી. આમ છેલ્લા ત્રણ વર્ષમાં ગુજરાત પોલીસ દ્વારા 9085 બાળકોને ગોતવામાં આવ્યા હતા. પરંતુ આજદિન સુધી હજુ પણ એક હજારથી વધુ બાળકો ગૂમ(Still 1000 Children are missing) છે અને તેની કોઈ પણ માહિતી ગુજરાત પોલીસને પણ પ્રાપ્ત થઈ નથી.

3 વર્ષના 8 કોર્પોરેશન વિસ્તારના આંકડા
શહેર	વર્ષ
	2019	2020	2021
અમદાવાદ	409	328	338
રાજકોટ	117	95	77
સુરત	782	479	629
બરોડા	129	87	104

પરત ફરેલ બાળકોની સંખ્યા
શહેર	વર્ષ
	2019	2020	2021
અમદાવાદ	395	310	293
રાજકોટ	111	88	62
સુરત	745	448	506
બરોડા	127	82	97

આ પણ વાંચો: Operation Smit: સ્મિતના પિતા ગાંધીનગરમાં રહેતા હોવાનો થયો ખુલાસો, માતા-પિતાના ઝઘડામાં તરછોડાયું બાળક

પોલીસ દ્વારા કસરત કાર્યરત - રાજ્યમાં ગુમ થનાર બાળકોની શોધખોળ કરવા માટે પોલોસ દ્વારા અલગ અલગ ટિમો બનાવીને તાપસ કરવામાં આવી રહી છે જ્યારે ચિલ્ડ્રન હોમ કેરમાં આ અંગે તપાસ કરવામાં આવી રહી છે, જ્યારે જિલ્લા પોલીસ સ્ટેશનમાં ફોટો ગ્રાફ સાથે રાજ્ય પોલીસ દ્વારા CID ક્રાઈમ દ્વારા સમયાંતરે ડ્રાઇવ નું આયોજન કરવામાં આવે છે.

વિધાનસભામાં રજૂ થયેલા આંકડા