ગાંધીનગર : બેઠક બાદ કમિટીના સભ્ય કેબિનેટપ્રધાન ગણપત વસાવાએ જણાવ્યું હતું કે, બુલેટ ટ્રેન અને એક્સપ્રેસ હાઈવેનો જે પ્રોજેક્ટ છે તે જમીન સંપાદન મુદ્દે હજુ અટકી પડ્યો છે. ખેડૂતોને જમીન સંપાદનના ભાવ આ બાબતે જે સમસ્યાઓ છે અને બીજી અન્ય સમસ્યાઓને લઇને રાજ્ય સરકારે 3 પ્રધાનોની કમિટી રચી છે. જેમાં આજે બુધવારના રોજ ખેડૂતો દ્વારા પોતાના પ્રશ્નો રજૂ કરાયાં હતાં. રાજ્યમાં જમીન સંપાદનનું કાર્ય વહેલામાં વહેલી તકે પૂર્ણ થાય તે ઉદ્દેશથી રાજ્ય સરકારે કમિટીની રચના કરી છે.
કમિટીની જમીન માલિકો સાથે બેઠક થઈ આજની બેઠકમાં સુરત બાજુના જમીન માલિકો હાજર રહ્યાં હતાં અને તેઓને જે સમસ્યાઓ છે તે અંગે કમિટી સાથે બેઠક યોજી હતી. જ્યારે આ બેઠકમાં સુરતના સાંસદ અને ભાજપના પ્રદેશ પ્રમુખ સી.આર.પાટીલ પણ હાજર રહ્યાં હતાં.
બુલેટ ટ્રેન અને એકસપ્રેસ હાઇવેના જમીન સંપાદન કમિટી બેઠક યોજાઈ રાજ્ય સરકારે જે કમિટીની રચના કરી છે તેમાં રાજ્યના મહેસૂલપ્રધાન કૌશિક પટેલ, ગણપત વસાવા અને ભૂપેન્દ્રસિંહ ચૂડાસમાનો સમાવેશ થાય છે. આ ઉપરાંત અન્ય આઈએએસ અધિકારીઓને પણ કમિટીમાં સ્થાન આપવામાં આવ્યું છે. આમ બુલેટ ટ્રેન અને એક્સપ્રેસ હાઈવેનો પ્રોજેક્ટ તાત્કાલિક પૂર્ણ થાય તે અંતર્ગત હવે કમિટી દ્વારા જમીન માલિકો સાથે વાટાઘાટો કરીને જમીન સંપાદનનું કામ વધુ ઝડપથી કરી શકાય તેવા પ્રયત્નો રાજ્ય સરકાર દ્વારા કરવામાં આવી રહ્યા છે.
