ETV એક્સક્લુસિવ : કચરો ફેલાવતા લોકોને દંડ ફટકારતા મનપાના વાહનો પોતે નિયમભંગ માટે દંડને પાત્ર કેમ નહિ ?

ભાવનગર શહેરમાં હવે CCTVના આધારે નિયમોનો ભંગ કરતા લોકોને દંડ ફટકારવામાં આવે છે અને જો તેઓ દંડ ન આપે તો પોલીસ બોલાવી સીલ મારવામાં આવે છે. પરંતુ જ્યારે મહાનગરપાલિકાના વાહનો કચરાનો નિકાલ કરવા જતી વખતે કચરો ઢોળતા જતા હોય તેની સામે કોઇ કાર્યવાહી નથી થતી.

• રસ્તા પર કચરો ફેલાવતા મનપાના વાહનો
• પ્રજાને કચરો ન ફેંકવાના પાઠ ભણાવતી ભાવનગર મહાનગરપાલિકાએ જ કર્યો નિયમોનો ભંગ
• શું ભાવનગર મહાનગરપાલિકા પોતાની ભૂલો માટે દંડ ભરશે?

ભાવનગર: ભાવનગર મહાનગરપાલિકાએ કચરો ફેલાવતા લોકો સામે CCTV દ્વારા દંડ ફટકારવાનો પ્રારંભ કર્યો છે પરંતુ હવે કાયદાનું પાલન કરાવનાર અને જાહેરમાં કચરો નહીં ફેકવાનું કહીને દંડ લેનારા જો પોતે જ પોતાના કાયદાનું ઉલ્લંઘન કરે તો તે માટે કોઇ પ્રકારની કાર્યવાહી થતી નથી.

કચરો ફેલાવતા લોકોને દંડ ફટકારતા મનપાના વાહનો પોતે નિયમભંગ માટે દંડને પાત્ર કેમ નહિ ?

ભાવનગર શહેરમાં કચરાના નિકાલની સમસ્યાભાવનગર શહેરમાં કચરાના નિકાલની સમસ્યાને મુદ્દે મહાનગરપાલિકા અવનવા પ્રયોગો કરી રહી છે, પણ વર્ષોથી શહેરમાં જાહેર રસ્તામાં પડી રહેલો કચરો દૂર થતો નથી. એવામાં હવે CCTV ના માધ્યમથી કચરો નાખનારને પકડવા માટે કમર કસવામાં આવી છે ત્યારે મહાનગરપાલિકાના વાહનો જ કચરાનો નિકાલ કરતા સમયે રસ્તા પર કચરો ઢોળતા જાય છે. આ વાહનો અને જાહેરમાં ઢોળાયેલા કચરાને મુદ્દે વિપક્ષે પણ રજૂઆત કરી છે કે માત્ર કાર્યવાહીની વાતો થાય છે. પ્રજા પાસેથી તગડો ટેક્સ લઈને કચરા પાછળ કરોડો ખર્ચીને ધુમાડો જ કરવામાં આવી રહ્યો છે ત્યારે પહેલા જે વાહનો કચરો રસ્તા પર ઢોળી રહ્યા છે તેની વ્યવસ્થા કરવી જોઈએ બાદમાં પ્રજાને દંડ કરવો જોઈએ.

કચરો ફેલાવતા લોકોને દંડ ફટકારતા મનપાના વાહનો પોતે નિયમભંગ માટે દંડને પાત્ર કેમ નહિ ?

પ્રજાને દંડ કરતા પહેલા પોતાની ભૂલ સુધારવા શાસકનો જવાબ

ભાવનગર મહાનગરપાલિકામાં ભાજપ 22 વર્ષથી શાસન કરી રહ્યું છે પણ હજુ સુધી કચરાનો નિકાલ 22 વર્ષમાં કરી શક્યું નથી. દર પાંચ વર્ષે નવી બોડી આવે અને પ્રજાને કચરો જાહેરમાં ન નાખોના પાઠ ભણાવે છે પરંતુ જ્યારે મહાનગરપાલિકાના વાહનો પોતે કચરો જાહેર રસ્તા પર ઢોળતા જાય છે ત્યારે અમલવારી નરમ જ રહે છે. અનેકવાર આ અંગે મનપાનું ધ્યાન દોરાવા છતાં એની એ જ ખુલ્લા ટ્રેકટરમાં કચરો લઈ જવાની પ્રથા ચાલુ છે.

કચરો ફેલાવતા લોકોને દંડ ફટકારતા મનપાના વાહનો પોતે નિયમભંગ માટે દંડને પાત્ર કેમ નહિ ?

સોલીડવેસ્ટ વિભાગના અધિકારીઓનો ખુલાસો

મહાનગરપાલિકાના સોલીડવેસ્ટ વિભાગના અધિકારી જયેશ સોમપુરાએ આ અંગે જણાવ્યું હતું કે હાલ દરેક કોન્ટ્રાક્ટરને આદેશ આપવામાં આવ્યો છે કે મહિના-દોઢ મહિનામાં ઢાંકણાવાળા ટ્રેક્ટર જ ચાલશે, આથી વાહનો બદલાવી નાખવા ત્યારે બીજો સવાલ એ હતો કે શું દોઢ મહિના સુધી ટ્રેકટર સામે પગલાં નહિ ભરાય ? તો અધિકારીએ કહ્યું હતું કે એની સામે પણ પગલાં ભરવામાં આવશે જ, કાયદો બધા માટે સરખો જ છે.

કચરો ફેલાવતા લોકોને દંડ ફટકારતા મનપાના વાહનો પોતે નિયમભંગ માટે દંડને પાત્ર કેમ નહિ ?