ભાવનગર: ખેડૂતે ખુટિયાને ઝેરી દવા આપી મોતને ઘાટ ઉતારતા પોલીસ ફરિયાદ

ભાવનગરના પાલીતાણા જૈન તીર્થનગરી કે જ્યાં અહિંસાને સ્થાન નથી ત્યાં પાલીતાણાના પાંચ પીપળા ગામના એક ખેડૂત અને તેના ભાગીદારે ખુટિયાને ઝેરી દવા ખવડાવી મોતને ઘાટ ઉતારતાં VHPએ પાલીતાણા પોલીસ સ્ટેશનમાં બંને સામે ફરિયાદ નોંધાવી છે.

• ભાવનગરના પાલીતાણા તીર્થની ઘટના
• ખેડૂત અને તેના સાથીદારે ખુટિયાને ઝેરી દવા ખવડાવી
• VHPએ પાલીતાણા પોલીસ સ્ટેશનમાં નોંધાવી ફરિયાદ

ભાવનગર: જગતનો તાત એટલે કે અન્નદાતા ખેતીમાં બળદ, ખૂંટ, ગાયોને સહારે ખેતી કરતા હોય છે ત્યારે ખેડૂત પોતે જ જો ગૌવંશની હત્યા કરે તો શું સમજવું? ભાવનગરના પાલીતાણાના પાંચ પીપળા ગામમાં એક વિચિત્ર બનાવ સામે આવ્યો છે જેમાં ખેડૂતે પોતે જ ખૂટીયાઓને મોતને ઘાટ ઉતારી અને તેનો વીડીયો બનાવીને વાયરલ કર્યો છે આ અંગે ગૌસેવા સમિતિ અને શિવસેનાએ બંને વિરૂદ્ધ પોલીસ ફરિયાદ નોંધાવી છે.

ખેડૂતે ખુટિયાને ઝેરી દવા આપી મોતને ઘાટ ઉતારતા પોલીસ ફરિયાદ

ગૌવંશ પ્રેમીઓમાં રોષ

આ ઘટનાને લઇને સમગ્ર પાલીતાણા અને ભાવનગર પંથકમાં ચકચાર મચી છે તેમજ ગૌ પ્રેમીઓમાં પણ રોષ જોવા મળી રહ્યો છે. VHPની ટીમે વિઠ્ઠલભાઈ દુદા અને ભરતભાઈ કુબાવત મહારાજ નામના બે લોકો સામે આ અંગે પાલીતાણા પોલીસ મથકમાં ફરિયાદ નોંધાવી છે.