અરબી સમુદ્રમાં વેલમાર્ક લો પ્રેશર સર્જાયું, આગામી પાંચ દિવસ ભારે વરસાદની આગાહી

હવામાન વિભાગ દ્વારા ગુજરાતના દક્ષિણ કાંઠાના દરિયાકિનારાના વિસ્તારો અને સૌરાષ્ટ્રના કેટલાક વિસ્તારોમાં ભારે વરસાદની આગાહી કરવામાં આવી છે. અરબ સાગરમાં વેલમાર્ક લો પ્રેશર સર્જાયું છે. જેના કારણે આગામી પાંચ દિવસ સૌરાષ્ટ્રના વિસ્તારોમાં ભારે વરસાદની આગાહી કરવામાં આવી છે. તેમજ ગુજરાતના તમામ બંદરો પર 3 નંબરનું સિગ્નલ લગાવવામાં આવ્યું છે.

અમદાવાદઃ અરબી સમુદ્રમાં સર્જાયેલા વોલમાર્ક લો પ્રેશરના કારણે ગુજરાતના દરિયાકાંઠાના વિસ્તારોમાં ભારે વરસાદની આગાહી કરવામાં આવી છે. આગામી 24 કલાકમાં વેલમાર્ક લો પ્રેશર ડિપ્રેશનમાં પરિવર્તિત થશે. જેના કારણે આગામી 24 કલાકમાં ગુજરાતના વાતાવરણમાં પલટો થવાની આગાહી હવામાન વિભાગ દ્વારા કરવામાં આવી છે. આ ઉપરાંત માછીમારોને પણ દરિયો ન ખેડવા માટેની સૂચના હવામાન વિભાગ દ્વારા આપવામાં આવી છે.

અરબ સાગરમાં વેલમાર્ક લો પ્રેશર સર્જાયું છે.

લો પ્રેશરમાંથી સર્જાયેલું ડિપ્રેશન ભારે માત્રામાં ભેજ પોતાની સાથે લઈને આવશે. જેથી આગામી પાંચ દિવસ દરમિયાન દક્ષિણ ગુજરાત અને સૌરાષ્ટ્રના વિસ્તારોમાં ભારે વરસાદ પડવાની શક્યતા જોવાઈ રહી છે. આવતીકાલે શનિવારે નવરાત્રિ પર્વ શરૂ થઈ રહ્યું છે ત્યારે વરસાદની આગાહીને લઇને સોસાયટીઓમાં પણ આરતી-પૂજન સમયે મુશ્કેલી પડે તેવા સંજોગો સામે આવી રહ્યાં છે.