- ગુજરાતમાં કોરોનાની કોરોનાનો કહેર યથાવત
- અમદાવાદમાં ભયાનક પરિસ્થિતિ
- સિવિલ હોસ્પિટલ બહાર 108ની લાંબી લાઇન લાગી
અમદાવાદઃ અમદાવાદની સિવિલ હોસ્પિટલના કેમ્પસમાં એમ્બ્યુલન્સની લાઈનો લાગી છે. જેમાં દર્દીઓ સૂઈ રહ્યા છે અને હોસ્પિટલની અંદર બેડ ખાલી થવાની રાહ જોઈ રહ્યાં છે. અમદાવાદની આ સૌથી મોટી કોવિડ હોસ્પિટલમાં 1200 બેડ્સ ફૂલ થઈ ચૂક્યા છે. જેના કારણે દર્દીઓને બહાર રોકી રાખવામાં આવ્યા છે. એમ્બ્યુલન્સમાં જ દર્દીઓને ઓક્સિજન આપવામાં આવી રહ્યો છે. અમદાવાદમાં કોરોના વાઇરસના કેસો વધતા દર્દીઓની સંખ્યામાં સતત વધારો જોવા મળી રહ્યો છે. આ પહેલા અસારવા સિવિલ હોસ્પિટલ ફુલ થઈ હતી અને આજે મંગળવારે સોલા સિવિલ હાઉસફુલ થઈ જતા તંત્રની ચિંતામાં વધારો જોવા મળી રહ્યો છે. સોલા સિવિલમાં 250 ઓક્સિજન અને 50 વેન્ટિલેટર બેડ ફુલ થઈ ગયા છે. કોરોનાની સ્થિતિ હવે ભયજનક થઈ રહી છે.
આ પણ વાંચોઃ રાજકોટ સિવિલ હોસ્પિટલ તંત્ર બન્યું પાંગળુ, દર્દીઓની એમ્યુલન્સમાં જ સારવાર શરૂ કરી
સૌથી મોટી કોવિડ હોસ્પિટલમાં 1200 બેડ ફૂલ
અમદાવાદની સિવિલ હોસ્પિટલના કેમ્પસમાં એમ્બ્યુલન્સની લાઈનો લાગી છે. અમદાવાદની આ સૌથી મોટી કોવિડ હોસ્પિટલમાં 1200 બેડ ફૂલ થઈ ચૂક્યા છે. જેના કારણે દર્દીઓને બહાર રોકી રાખવામાં આવ્યા છે. દર્દીઓને એમ્બ્યુલન્સમાં જ તેમને ઓક્સિજન આપવામાં આવી રહ્યો છે. આજે મંગળવારે સોલા સિવિલ હાઉસફુલ થઈ જતા તંત્રની ચિંતામાં વધારો થયો છે. સોલા સિવિલમાં 250 ઓક્સિજન અને 50 વેન્ટિલેટર બેડ ફુલ થઈ ગયા છે. એટલે કે કોરોનાની સ્થિતિ હવે ભયજનક થઈ રહી છે.
ગુજરાતમાં કોરોનાના કેસની સાથે સાથે મૃત્યુઆંક પણ વધ્યો
રાજ્યમાં પ્રથમ વખત કોરોનાના પોઝિટિવ કેસ 6,000ની પાર ગયો છે. રાજ્યમાં કોવિડ-19ના 6,021 પોઝિટિવ કેસ નોંધાયા છે જ્યારે 55 લોકોના મોત થયા છે. ગુજરાતમાં ચિંતાજનક રીતે કોરોનાના કેસ વધી રહ્યા છે. અમદાવાદ-સુરતમાં કોરોનાના કેસમાં ધરખમ વધારો જોવા મળી રહ્યો છે. અમદાવાદમાં સૌથી વધુ 20 લોકોએ પોતાના જીવ ગુમાવ્યા છે જ્યારે સુરત શહેરમાં 18 દર્દીઓએ જીવ ગુમાવ્યો છે. વડોદરામાં પણ 7 લોકોના મોત થયા છે જ્યારે રાજકોટ શહેર અને ગ્રામ્યમાં 6 લોકોના મોત થયા છે. ભરૂચ-બોટાદ-સાબરકાંઠા અને સુરતમાં 1-1 વ્યક્તિએ જીવ ગુમાવ્યો છે. રાજ્યમાં આ સાથે જ 55 લોકોએ જીવ ગુમાવ્યો છે.
આ પણ વાંચોઃ રાજકોટમાં એક 108 એમ્બ્યુલન્સ એવરેજ 17 કેસ કરે છે હેન્ડલ
હોસ્પિટલમાં બેડ ખાલી નથી, સ્મશાનમાં અંતિમવિધિ માટે વેઇટીંગ
ગુજરાતમાં કોરોનાની બીજી લહેર ખતરનાક સાબિત થઇ રહી છે. રાજ્યમાં કોરોનાના એક જ દિવસમાં 6 હજારથી વધુ પોઝિટિવ કેસ સામે આવી રહ્યા છે. જ્યારે છેલ્લા કેટલાક દિવસથી 50થી વધુ લોકોના મોત થઇ રહ્યા છે. કોરોનાના પોઝિટિવ કેસ વધવાની સાથે સાથે એક્ટિવ કેસમાં પણ વધારો થયો છે. જેને કારણે અમદાવાદ, સુરત, વડોદરા અને રાજકોટ સહિતના ચાર મહાનગરોની હોસ્પિટલો પણ ફુલ થઇ ગઇ છે. કોરોના પોઝિટિવ દર્દીઓને હોસ્પિટલમાં રાખવા માટે એક પણ બેડ ખાલી નથી. બીજી તરફ સ્મશાનમાં પણ મૃતકના અંતિમસંસ્કાર માટે 3થી 4 કલાક સુધી રાહ જોવી પડી રહી છે.
બેડ ન મળે ત્યાં સુધી દર્દીઓને 108મા સારવાર આપવી પડે છે
અમદાવાદ સિવિલ હોસ્પિટલના સુપ્રિડેન્ડેન્ટ ડૉ. જે. વી. મોદીએ જણાવ્યું હતું કે, પરિસ્થિતિ હાલ એટલી ગંભીર છે કે હોસ્પિટલમાં અંદર જગ્યા નથી ત્યારે બહાર 108માં જ બેડ ન મળે ત્યાં સુધી સારવાર આપવી પડે છે. હાલમાં મેડિસિટીના 90 ટકા દર્દીઓ ઓક્સિજન પર છે અને સ્થિતિ વધુ વિકટ બનતી જઈ રહી છે. ઉલ્લેખનીય છે કે, આ પ્રકારની સ્થિતિ જોતાં હાલ શહેરમાં કોરોનાનું સંક્ટ વધુ ઘેરાયું હોય તેવું લાગી રહ્યું છે. એક દર્દીનું રજીસ્ટ્રેશન કરી તમામ પ્રક્રિયા કરી બેડ આપવામાં ઓછામાં ઓછો 2 કલાક થઈ જતો હોય છે. જેના કારણે 108 વેઇટિંગમાં રહેલી હોય છે. જોકે, પરિસ્થિતિ કઈક અલગ જ હોવાનું જણાવી રહ્યા છે.
મહામારીમાં નાગરિકો સાવચેત રહે
ડૉક્ટરે જણાવ્યું હતુ કે, હાલનો માહોલ ખરેખર ચિંતાજનક છે. આવામાં નાગરિકોએ સચેત રહેવાની જરૂર છે કારણ કે, હોસ્પિટલો ફૂલ છે અને બેડ મળતાં નથી. લોકોને તેમણે અપીલ કરી હતી કે, બિનજરૂરી ઘરની બહાર જવાનું ટાળે.
