મ્યુકરમાઇકોસીસ થયો હોવાનો ડરમાં વૃદ્ધએ આપઘાત કર્યો

કોરોના બાદ હવે મ્યુકોરમાયકોસિસનો કહેર અને ડર લોકોમાં ઘર કરી રહ્યો છે. કોરોનાને મ્હાત આપ્યા બાદ મોઢામાં ચાંદા પડતાં મ્યુકોરમાયકોસિસ થયો હોવાનો ડર રાખીને શહેરના પાલડી વિસ્તાર માં એક વૃદ્ધ એ આપઘાત કર્યો હતો.

• પાલડીમાં બિમારીથી કંટાળીને વૃદ્ધે જીવન ટુકાવ્યું
• મ્યુકરમાઈકોસિસ થયા હોવાના ભયથી કર્યો આપઘાત
• સ્યુસાઈડ નોટ પરથી ઉકલાયો ભેદ

અમદાવાદ: કોરોના બાદ હવે મ્યુકોરમાયકોસિસ (mucormycosis)નો કહેર જોવા મળી રહ્યો છે ત્યારે પાલડી વિસ્તાર માં આવેલ અમન એપાર્ટમેન્ટમાં રહેતા 80 વર્ષીય વૃદ્ધે મ્યુકોરમાયકોસિસ થયો હોવાના ડર થી આપઘાત કરી તેમનુ જીવન ટુકાવ્યું હતું.

સારવાર દરમિયાન મૃત્યું

નિવૃત્ત જીવન જીવતા નિરંજન પટેલ નામના વૃદ્ધ એ બે દિવસ પહેલા તેમના ફ્લેટના ધાબા પર જઈને દવા પી લીધી હતી. જો કે લાંબા સમય સુધી ઘરે પરત ના ફરતા તેમના પત્ની એ આસપાસ માં તપાસ કરી હતી. જેમાં નિરંજન ભાઈ ફ્લેટ ના ધાબા પર બેભાન હાલતમાં મળી આવ્યા હતા. જેમને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા. જ્યાં સારવાર દરમિયાન તેઓની મૃત્યુ થયું હતું.

મ્યુકરમાઇકોસીસ થયો હોવાનો ડરમાં વૃદ્ધએ આપઘાત કર્યો

આ પણ વાંચો : વડોદરામાં મ્યુકોરમાઈકોસિસના નવા 20 દર્દી નોંધાયા

મ્યુકરમાઇકોસીસ થયો હોવાનો ડરમાં વૃદ્ધએ આપઘાત કર્યો

બિમારીઓથી કંટાળી જીવન ટુકાવ્યું

સમગ્ર ઘટના ની જાણ પોલીસ ને કરતા પોલીસ પણ ઘટના સ્થળે પહોંચી હતી. અને તપાસ કરતા એક સ્યુસાઇડ નોટ પણ મળી આવી હતી. જેમાં નિરંજનભાઇ એ પોતાના પરિવારના સભ્યોને ઉદ્દેશીને લખ્યું છે કે મને મ્યુકોરમાયકોસિસ થયો છે, અને મારા મોઢામાં સફેદ ચાંદા પડ્યા છે. હવે આ કોરોના કાળમાં હોસ્પિટલમાં આ રોગની સારવાર શક્ય નથી લાગતી. તેથી હું આ દેહનો ત્યાગ સ્વેચ્છાએ કરું છું, તો મને માફ કરશો. જો કે તેમને ડાયાબિટીસ સહિત અન્ય કેટલાક રોગ હોવાથી તે કંટાળી ગયા હોવાનું પણ આ નોટમાં ઉલ્લેખ કર્યો છે.

આ પણ વાંચો : વલસાડ સિવિલ હોસ્પિટલમાં મ્યુકોરમાઈકોસિસ રોગના દર્દીઓ માટે 40 બેડનો વોર્ડ શરૂ કરાયો